Qazirgi tańda Qazaqstan óziniń tarihi damýynyń jańa kezeńine aiaq basty. Bul kezeń tek saiasi reformalarmen ǵana emes, sonymen qatar ulttyq sana men biregeilikke jańa kózqaraspen erekshelenedi. QR Parlamenti Senatynyń Tóraǵasy Məýlen Áshimbaev avtorlyq maqalasynda «Toqaev modeli» týraly aitty,- dep habarlaidy Dalanews.kz
Máýlen Áshimbaev óz maqalasynda buǵan deiingi ult qalyptastyrý protsesi kóbine formaldy sipatta bolǵanyn atap ótedi. BAQ-taǵy naýqandyq nasihattarmen shektelgen mundai tásilder qoǵamdy uzaq merzimdi perspektivada biriktirýge qaýqarsyz edi. Al "Toqaev modeli" bul protsesti proaktivti qyzmetke ainaldyryp, memleket pen qoǵamnyń ózara yqpaldastyǵyn jańa deńgeige kóterýdi kózdeidi.
"Toqaev modeli" bir ǵana ultty assimiliatsiialaý emes, ártúrli mádeniet ókilderin ortaq qundylyqtar negizinde biriktirý ideiasyn alǵa tartady. Bul model — burynǵydai mehanikalyq emes, qorytpa tárizdi: túrli elementterdiń sapaly transformatsiiasynan paida bolǵan jańa qundylyqtar júiesi. Onyń ózeginde qazaqy mádeni kod jatyr. Bul kod — ulttyq erekshelikti saqtap, zamanaýi qoǵammen úndesýdiń tiimdi joly.
Prezident Qasym-Jomart Toqaevtyń "barsha azamat ózderin úlken qazaq otbasynyń múshesi retinde sezinýi kerek" degen pikiri osy ideianyń túp qazyǵy sanalady. Mundaǵy maqsat — etnikalyq tegine qaramastan, Qazaqstan azamattaryn birtutas, biryńǵai mádeni-azamattyq óriste toptastyrý.
Máýlen Áshimbaevtyń paiymynsha, bul modeldiń taǵy bir mańyzdy tusy — pragmatizm men nátijege baǵyttalýy. Jańa Qazaqstanda simvolikalyq sheshimder men uzaqmerzimdi deklaratsiialardan góri naqty is-sharalar men jobalar aldyńǵy orynǵa shyqty. Bul — LRT jobasynyń qaita jandanýy siiaqty naqty mysaldarmen dáleldenýde.
Buǵan qosa, kreativti indýstriiany damytý — jańa ulttyq biregeilikti qalyptastyrýdaǵy mańyzdy quraldardyń biri. Qazaq mýzykasy, kinosy, sán men gastronomiia salalarynyń jetistikteri arqyly jańa zaman jastary úshin ulttyq elementter trendke ainalyp keledi. Bul — "jumsaq kúsh" (soft power) quraldary arqyly ulttyq renessansqa jetýdiń joly.
Memleket basshysy usynyp otyrǵan modeldiń tabysty júzege asýy úshin eń basty shart — ashyq dialog pen senim. "Biz sandarmen emes, halyqtyń senimi úshin kúresemiz" degen ustanym dál osy paradigmaǵa sai keledi. Ulttyq quryltai institýtynyń qurylýy da osy baǵyttaǵy naqty qadamdardyń biri.
Maqala sońynda Máýlen Áshimbaev ulttyq jańǵyrýdyń 2050 jyldarǵa deiin sozylatyn kómeski maqsat emes ekenin, ony orta merzimde júzege asyrýǵa bolatynyn atap ótedi. Ol úshin qoǵam ózin bir otbasynyń múshesi retinde sezinip, ortaq qundylyqtarǵa súienýi qajet.
"Toqaev modeli" — bul tek basqarý stili emes, ulttyq rýhty jańǵyrtýdyń, eldiń bolashaǵyna senimmen qaraýdyń jáne pragmatizm men mádeni úndestikke negizdelgen turaqty damýdyń joly.
