Memleket basshysy Qasym-Jomart Toqaev aýyl sharýashylyǵy qyzmetkerleriniń alǵashqy forýmynda sóilegen sózinde memlekettiń barlyq salalarda ashyqtyqty qamtamasyz etýge erekshe kóńil bóletinin aitqan bolatyn. Qazirgi tańda Tsifrly úkimet qurý barysynda el azamattary kúndelikti ómirde ashyqtyqqa qol jetkizip otyrǵany belgili. Biraq keibir aqparat quraldary ashyqtyqqa qatysty aitylǵan áńgimelerdi bura tartqanyn baiqadyq.
Sońǵy jyldary el azamattarynyń kiristerin deklaratsiialaý baǵytynda birqatar jumystar atqarylǵany belgili. Bul protsess 2021 jyldan bastap kezeń-kezeńimen engizilýde. Alǵashqy úsh kezeńde bul talap 4 millionnan astam adamdy qamtydy, atap aitqanda, memlekettik qyzmetkerlerdi, kvazimemlekettik sektor basshylaryn, kásipkerlerdi jáne olardyń jubailaryn.
Osy rette kiristerdi jalpy deklaratsiialaý tujyrymdamasynyń 14 jyl buryn qabyldanyp, elimizde tsifrlandyrý isi men finteh salalarynda eleýli jetistikterge qol jetkizdi. Ár túrli memlekettik mekemelerdiń derekter bazasy integratsiialandy. Qarjylyq jáne salyqtyq baqylaý kúsheitildi.
Memleket basshysy keibir BAQ jazǵandai jalpy deklaratsiialaý júiesine eshqashan kúmán keltirgen emes. Sóz tek tórtinshi kezeń týraly bolyp otyr.
Bizdińshe, Prezidenttiń sózi aiqyn, paiymy durys. Deklaratsiia tapsyrýdyń tórtinshi kezeńinde zańdy tulǵa quryltaishylary men olardyń jubailary azamattar tabysy týraly esep tapsyrýy tiis edi. Biraq bul toptaǵy azamattardyń deklaratsiialaýǵa jatatyn qarajaty kóp emes.
Deklaratsiialaý júiesiniń alǵashqy úsh kezeńine engen azamattar kelesi jyldyń 15 qyrkúiegine deiin 270-nysan boiynsha deklaratsiia tapsyrýdy jalǵastyrady. Qazirgi másele tek tórtinshi kezeńge qatysty. Onyń ózin eshkim áli toqtatpaǵan, tek bul kezeńniń shynymen qajet ekendigi týraly suraq qoiyldy.
