Qazaqstanda 2025 jyly Tokioda ótken jazǵy Sýrdlimpiada oiyndarynyń júldegerleri men jattyqtyrýshylaryna qomaqty qarjylai syiaqy berildi. Bul týraly Týrizm jáne sport ministrligi málimdedi, dep habarlaidy dalanews.kz.
Vedomstvonyń málimetinshe, jalpy 32 sportshy men 42 jattyqtyrýshy aqshalai marapatqa ie bolǵan. Syiaqylar Úkimettiń rezervinen bólinip, jalpy somasy shamamen 5,5 mlrd teńgeni quraǵan.
Syiaqy mólsheri sportshylardyń jarysta alǵan oryndaryna bailanysty belgilengen. Atap aitqanda, altyn medal iegerlerine 130 mln teńgeden, kúmis júldegerlerge 78 mln teńgeden, al qola medal alǵandarǵa 39 mln teńgeden tólengen. Tórtinshi men altynshy oryn aralyǵynda nátije kórsetken qatysýshylar 2,5 mln-nan 15 mln teńgege deiin syiaqy alǵan.
Aita keteiik, Sýrdlimpiada oiyndaryna álemniń 81 elinen shamamen 3 myń sportshy qatysty. Qazaqstan quramasy segiz sport túri boiynsha synǵa túsip, jalpy esepte 9-orynǵa turaqtady. Ulttyq quramanyń enshisinde 25 medal bar: onyń ishinde 8 altyn, 4 kúmis jáne 13 qola júlde.
Ministrlik ókilderi mundai tólemder sportty memlekettik qoldaýdyń bir bóligi ekenin jáne halyqaralyq arenada joǵary nátijelerge jetýge yntalandyratynyn atap ótti.
