Áleýmettik jelide qazaq atyn álemdik arenada sharyqtatyp júrgen ánshi Dımash Qudaıbergenge qatysty qyzyq jazba paıda boldy, dep habarlaıdy Dalanews.kz.

Jeli qoldanýshysy Threads jelisinde Dımash Qudaıbergenmen ushaqta birge otyrǵanyn aıtyp, jazba jarıalaǵan. Ánshiniń qarapaıymdylyǵyna tańǵalǵan ol tańdanysyn jasyrmaǵan.

Dımash Qudaıbergen eshqandaı kúzetsiz, jalǵyz ózi saparǵa shyqqan.

"Ańyz adam, biraq sondaı qarapaıym. Qasyna otyrǵanyma, birge sýretke túskenime qýandym", - dep jazdy ol.

Alaıda jeli qoldanýshylary Dımashtyń bulaı júrýi qaýipti ekenin aıtqan.

"Jalpy Dımashtyń eshqandaı qorǵaýshysyz, jalǵyz júrýi - óte alańdaıtyn jaǵdaı.Ony qarapaıym bolǵan soń solaı dep maqtanýdyń qajeti joq. Dımash qazaqtyń atyn álemge tanytqan óte talantty ánshi, nege Dımashta jeke qaýipsizdigin qorǵaıtyn qorǵaýshysy joq?! Osy qazaq nege sondaı qamsyz?!Málkildegen shaldarǵa búdjetten qansha aqsha shyǵaryp, qorǵaýshy ustaımyz, olardyń qasynda Dımash kim? Oılanatyn jaǵdaı!" - dedi jeli qoldanýshylarynyń biri.