14 jylǵa sottalǵan Jákishev jazasynyń 10 jylyn ótegen bolatyn. Sot sonda da ilikpedi.
Sottyń málimetinshe, Jákishev birqatar aýyr jáne asa aýyr qylmystar boiynsha aiypty dep tanylǵan. Atap aitqanda, bótenniń múlkin urlaý, para alý, alaiaqtyq jasaý, qyzmet babyn asyra paidalaný, qujattardy qoldan jasaý syndy baptarmen sottalyp, oǵan 14 jylǵa bas bostandyǵynan aiyrý jazasy kesilgen.
– Bul aradaǵy jalpy shyǵyn 99,6 mlrd teńgeni quraidy. Jákishev keltirilgen osy zalaldy ótemegen. Osy faktini sot nazarǵa ala otyryp, onyń shartty túrde merziminen buryn bosatý týraly ótinishin qanaǵattandyrýdan bas tartýǵa túrtki boldy, – dep atap ótti sottaǵylar.
Bul oraida Jákishevtiń «Qazatompromdaǵy» ári áriptesi, ári úzeńgilesi bolǵan Ǵalym Nazarovtyń Muhtar qamaýǵa alynǵan alǵashqy kezdegi suhbatyn nazarlaryńyzǵa usynamyz. «Jas Alashqa» jedel suhbat bergen Ǵalym Nazarov «Muhtar Jákishevtiń jazyǵy joq» degen bolatyn.
– Ǵalym Baǵdatuly, bireýler «M.Jákishev qamaýǵa tústi» deidi. Bas prokýratýra ókili bolsa, «biz eshteńe bilmeimiz» dedi. Sizge osy istiń jaiy belgili me (suhbat jeksenbi kúni alyndy)?
– Ókinishke karai, Muhtardy qamaýǵa alǵany ras.
– Sonda Muhtar Jákishevti kim ustaǵan?
– Meniń bilýimshe, ol Ulttyq qaýipsizdik komitetiniń tergeý izoliatorynda jatyr.
– Ne úshin qamaýǵa alynǵan?
– Eks-depýtat T.Kviatkovskaianyń málimdemesi boiynsha ustaǵan sekildi.
– Siz osy kompaniiada qashannan beri jumys isteisiz?
– 2001 jyldan beri.
– Demek, «Kazatompromnyń» qyzmetin bir kisidei bilesiz ǵoi. Ózińiz T.Kviatkovskaianyń málimdemesin qalai qabyldadyńyz?
– Men kompaniianyń qarjy departamentinde qyzmet etemin. Vitse-prezidenti emespin. Basshylyqtaǵylar biletin bar aqparatty bile bermeimin. Degenmen T.Kviatkovskaianyń málimdemesinde túiirdei negiz joq. Bos sandyraq dese de bolady.
Nege deseńiz, eki jyl buryn kompaniiada keshendi túrde tekserý júrdi. Dál osy T.Kviatkovskaianyń týra osy málimdemesi boiynsha.
Qarjy, Esep komitetindegi aýditorlyq tekserý, UQK, prokýratýra sekildi túrli memlekettik oryndary júrgizgen bul tekseris bir jylǵa sozyldy. Osy tekseristerde kompaniiada eshqandai zańsyzdyqtyń bolmaǵany anyqtaldy.
Kompaniiada jeke adamdardyń aktsiiasy bolǵan emes. Qazir de kompaniianyń 100 paiyz aktsiiasy «Samuryq-Qazyna» qorynyń qolynda.
Iaǵni jer qoinaýyna sheteldikterdiń kelýi joǵarǵy basshylyqtyń ruqsatymen ǵana júzege asady. «Qazatomprom» óz qalaýy boiynsha múlkin árkimge bólip bere salatyn jekemenshik kompaniia emes. Bizde direktorlar keńesi bar. Quramyna úkimettiń, tiisti ministrlikterdiń basshylary kiredi. Tabystyń barlyǵy sol keńeste talqylanady.
Is-áreketiniń bári memlekettiń qadaǵalaýyndaǵy kompaniianyń basshylyǵyn ǵana qýdalap, aiyptaý aqylǵa syimaityn qylyq. M.Jákishev barlyq ýaqytta kompaniianyń júzege asyratyn bar jumysyn joǵarǵy jaqpen aqyldasyp sheshti. Óz betinshe áreket etken emes. M.Jákishevtiń eshqandai kinásiniń joqtyǵyna senimdimin. Jáne eks-depýtattyń málimdemesin aqqa kúie jaǵý dep bilemin.
