BAQ pen áleýmettik jelilerde tanymal qazaqstandyq kásipker Muhtar Jákishev UQK burynǵy basshysy Kárim Másimovtiń kottedjin satyp alǵany týraly aqparat tarady. Másimovtiń quny bir mlrd turatyn úii buǵan deiin birneshe ret aýktsionǵa shyǵyp, ótpei qalǵan edi, - dep habarlaidy Dalanews.kz.
Jákishev ne deidi?
Muhtar Jákishev bul jaǵdaiǵa pikir bildirgen.
«Jalǵan aqparat jáne sandyraq», – degen ol bul jańalyqqa qatysty.
Sondai-aq, kásipker Dýbaidan quny 1,5 mln dollar turatyn páter satyp alǵany jaily aqparat ta tarady. Páter aýmaǵy - 240 sharshy metr, jeke basseini men fitnes ortalyǵy da bar kórinedi.
"Bul da sandyraq. Meniń alty qyzym bar, nege tek bireýine alýym kerek eken?" – dedi ol.
Qaitarylǵan aktivterdi basqarý kompaniiasynyń pikiri
Qaitarylǵan aktivterdi basqarý kompaniiasy da bul aqparatty joqqa shyǵardy. Kompaniia barlyq aktiv tek E-Qazyna memlekettik portaly arqyly jáne qatań erejeler boiynsha satylatynyn málimdedi.
Másimovtiń úii týraly ne belgili?
Kárim Másimovtiń záýlim saraiyn Qaitarylǵan aktivterdi basqarý kompaniiasy birneshe ret aýktsionǵa shyǵarǵan edi. Quny - 1,9 mlrd teńge. Úi Astana qalasy Nura aýdanynyń Ereimentaý -1 mekenjaiynda ornalasqan.
Úidiń jalpy aýdany – 2877,7 sharshy metr. Turǵyn úimen qosa, jihaz, elektron tehnika, óner týyndylary men kádesyilar da satylymǵa qoiyldy.
