ب ا ق پەن الەۋمەتتىك جەلىلەردە تانىمال قازاقستاندىق كاسىپكەر مۇحتار جاكىشيەۆ ۇقك بۇرىنعى باسشىسى كارىم ءماسىموۆتىڭ كوتتەدجىن ساتىپ العانى تۋرالى اقپارات تارادى. ءماسىموۆتىڭ قۇنى ءبىر ملرد تۇراتىن ءۇيى بۇعان دەيىن بىرنەشە رەت اۋكسيونعا شىعىپ، وتپەي قالعان ەدى، - دەپ حابارلايدى Dalanews.kz.
جاكىشيەۆ نە دەيدى؟
مۇحتار جاكىشيەۆ بۇل جاعدايعا پىكىر بىلدىرگەن.
«جالعان اقپارات جانە ساندىراق»، – دەگەن ول بۇل جاڭالىققا قاتىستى.
سونداي-اق، كاسىپكەر دۋبايدان قۇنى 1،5 ملن دوللار تۇراتىن پاتەر ساتىپ العانى جايلى اقپارات تا تارادى. پاتەر اۋماعى - 240 شارشى مەتر، جەكە باسسەينى مەن فيتنەس ورتالىعى دا بار كورىنەدى.
"بۇل دا ساندىراق. مەنىڭ التى قىزىم بار، نەگە تەك بىرەۋىنە الۋىم كەرەك ەكەن؟" – دەدى ول.
قايتارىلعان اكتيۆتەردى باسقارۋ كومپانياسىنىڭ پىكىرى
قايتارىلعان اكتيۆتەردى باسقارۋ كومپانياسى دا بۇل اقپاراتتى جوققا شىعاردى. كومپانيا بارلىق اكتيۆ تەك E-Qazyna مەملەكەتتىك پورتالى ارقىلى جانە قاتاڭ ەرەجەلەر بويىنشا ساتىلاتىنىن مالىمدەدى.
ءماسىموۆتىڭ ءۇيى تۋرالى نە بەلگىلى؟
كارىم ءماسىموۆتىڭ ءزاۋلىم سارايىن قايتارىلعان اكتيۆتەردى باسقارۋ كومپانياسى بىرنەشە رەت اۋكسيونعا شىعارعان ەدى. قۇنى - 1،9 ملرد تەڭگە. ءۇي استانا قالاسى نۇرا اۋدانىنىڭ ەرەيمەنتاۋ -1 مەكەنجايىندا ورنالاسقان.
ءۇيدىڭ جالپى اۋدانى – 2877،7 شارشى مەتر. تۇرعىن ۇيمەن قوسا، جيھاز، ەلەكترون تەحنيكا، ونەر تۋىندىلارى مەن كادەسىيلار دا ساتىلىمعا قويىلدى.
