«Memlekettik mektepterdegi máselelerdi sheshe almaı jatyp, balanyń kıimin áńgime qylý bizdiń deńgeıimizdi kórsetedi. Eger, biz mektepterdegi bilimniń sapasyn, oqýlyqtardaǵy óreskel qatelikterdi, muǵalimderdiń deńgeıin, sonymen qatar eń mańyzdysy 2-3 aýysymdy mektepterdiń kóp ekenin talqylasaq qoǵamymyzdyń damýynyń belgisin baıqaýǵa bolar edi.
Mysaly, jaqynda Kókshetaýdaǵy 2 aýysymdy mekteptegi jaǵdaı birazyn oılandyryp tastady. Al, bizdiń mınıstrlik pen ákimdik ne istedi, dırektordy kináli qylyp shyǵardy.
Ne ol dırektordy mınıstrlik qorǵamady, ne kásipodaq qorǵamady», – dep jazdy ol jelide.
Jýrnalısiń sózinshe, barlyq 2 aýysymdy mektepterde osyndaı jaǵdaı.
«Qazirgi tańda jaǵdaıy bar kóp ata-ananyń balalaryn jekemenshik mektepke berýi mınıstrlikti nege oılandyrmaıtyny qyzyq… Olarda júıeli sheshim de joq, mınıstrdiń deńgeıi baıaǵydan túsinikti edi. Tipti ashyq suhbatqa shyǵa almaıdy, osy suraq boıynsha, sebebi aıtar sózi joq. Oǵan eń bastysy balalardyń kıimin aqparattyq daýǵa aınaldyryp jiberse boldy. Bulaı oınaýǵa bolmaıdy, arty jaqsylyqqa aparmaıdy. Eger memlekettik mektep ózin túrme, al ishindegi adamdar ózderin nadzıratelder sıaqty ustasa jekemenshik mektepterge degen suranys arta beredi. Al bizdiń mınıstrlik ýaqytyn joǵaltyp jatyr… Uıat!», – deıdi Erbolat Muhamedjan.
