«مەملەكەتتىك مەكتەپتەردەگى ماسەلەلەردى شەشە الماي جاتىپ، بالانىڭ كيىمىن اڭگىمە قىلۋ ءبىزدىڭ دەڭگەيىمىزدى كورسەتەدى. ەگەر، ءبىز مەكتەپتەردەگى ءبىلىمنىڭ ساپاسىن، وقۋلىقتارداعى ورەسكەل قاتەلىكتەردى، مۇعالىمدەردىڭ دەڭگەيىن، سونىمەن قاتار ەڭ ماڭىزدىسى 2-3 اۋىسىمدى مەكتەپتەردىڭ كوپ ەكەنىن تالقىلاساق قوعامىمىزدىڭ دامۋىنىڭ بەلگىسىن بايقاۋعا بولار ەدى.
مىسالى، جاقىندا كوكشەتاۋداعى 2 اۋىسىمدى مەكتەپتەگى جاعداي ءبىرازىن ويلاندىرىپ تاستادى. ال، ءبىزدىڭ مينيسترلىك پەن اكىمدىك نە ىستەدى، ديرەكتوردى كىنالى قىلىپ شىعاردى.
نە ول ديرەكتوردى مينيسترلىك قورعامادى، نە كاسىپوداق قورعامادى»، – دەپ جازدى ول جەلىدە.
ءجۋرناليستىڭ سوزىنشە، بارلىق 2 اۋىسىمدى مەكتەپتەردە وسىنداي جاعداي.
«قازىرگى تاڭدا جاعدايى بار كوپ اتا-انانىڭ بالالارىن جەكەمەنشىك مەكتەپكە بەرۋى مينيسترلىكتى نەگە ويلاندىرمايتىنى قىزىق… ولاردا جۇيەلى شەشىم دە جوق، ءمينيستردىڭ دەڭگەيى باياعىدان تۇسىنىكتى ەدى. ءتىپتى اشىق سۇحباتقا شىعا المايدى، وسى سۇراق بويىنشا، سەبەبى ايتار ءسوزى جوق. وعان ەڭ باستىسى بالالاردىڭ كيىمىن اقپاراتتىق داۋعا اينالدىرىپ جىبەرسە بولدى. بۇلاي ويناۋعا بولمايدى، ارتى جاقسىلىققا اپارمايدى. ەگەر مەملەكەتتىك مەكتەپ ءوزىن تۇرمە، ال ىشىندەگى ادامدار وزدەرىن نادزيراتەلدەر سياقتى ۇستاسا جەكەمەنشىك مەكتەپتەرگە دەگەن سۇرانىس ارتا بەرەدى. ال ءبىزدىڭ مينيسترلىك ۋاقىتىن جوعالتىپ جاتىر… ۇيات!»، – دەيدى ەربولات مۇحامەدجان.
