"Astana – Qaraǵandy – Almaty" tasjolynda bes kólik qatysqan jol apaty boldy, dep habarlaidy Dala News.
Jol qyzmetteriniń málimetinshe, oqiǵa 10 naýryz kúni shamamen saǵat 15:00-de respýblikalyq mańyzy bar «Astana – Qaraǵandy (ainalma jolymen) – Almaty» avtojolynyń 250-shaqyrymynda, Qaraǵandy – Aqsý-Aiýly ýchaskesinde, Atameken aýyly mańynda tirkelgen.
«Atalǵan ýchaskede bes kólik qatysqan jol-kólik oqiǵasy boldy», – delingen habarlamada.
Aldyn ala aqparat boiynsha, zardap shekkender joq.
Alaida bul jol bóliginde buǵan deiin boran, qatty jel jáne kóriný qashyqtyǵynyń tómendeýine bailanysty barlyq kólik túrine qozǵalysqa shekteý engizilgeni belgili boldy.
Soǵan qaramastan, júrgizýshiler jabyq jolǵa shyǵyp ketken.
Oqiǵa ornyna barǵan mamandar keibir kólikterdiń memlekettik nómirleri joq ekenin, al júrgizýshilerdiń oqiǵa ornynda bolmaǵanyn anyqtaǵan.
Qazir apat bolǵan ýchaskede 15 arnaiy tehnika jumys istep, joldy tazalaý jáne qozǵalysty qaýipsiz etý jumystary júrgizilip jatyr.
Jol qyzmetteri júrgizýshilerdi aýa raiy qolaisyz kezde jabyq joldarǵa shyqpaýǵa jáne jol qozǵalysy erejelerin saqtaýǵa shaqyrdy.
