Izdeýde bolǵan Azamat Kapenovtyń Bishkekte júrgeni jáne Qyrǵyzstan pasporty bar ekeni belgili boldy, dep habarlaidy Dala News.
Málimetke sáikes, Kapenov redaktsiiamen bailanysqa shyǵyp, Qyrǵyzstan azamatynyń tólqujatyn kórsetken. Ol «QazTemirTrans» kompaniiasynyń burynǵy vitse-prezidenti bolǵan jáne 5,2 mlrd teńge jymqyrdy degen kúdikke ilingen.
Ózi bolsa, sońǵy jeti jylda Qazaqstanda bolmaǵanyn málimdegen.
Sondai-aq Kapenov BAÁ-den ekstraditsiiadan qaýiptenip, shuǵyl ketkenin aitqan. Qazirgi ýaqytta ol shetelde júrgenin jetkizdi.
Osy ýaqytta Astana soty onyń «Dostyq» stantsiiasyndaǵy logistikalyq habyn memleket kirisine tárkilegen.
Ol óz isine «yqpaldy adamdardyń» qatysy bolýy múmkin ekenin meńzep, keiinirek barlyq mán-jaidy ashyp aitatynyn málimdegen.
Qarjylyq monitoring agenttiginde Kapenovtyń óz kompaniialaryna zańsyz artyqshylyqtar bergeni boiynsha tergeý jalǵasyp jatyr.
