Qazaqstanda aýyldyq jerge kóshetin IT mamandary men arhiv isi qyzmetkerlerin memlekettik áleýmettik qoldaý alýshylar qataryna qosý usynyldy, dep habarlaidy dalanews.kz.
Tiisti ózgerister jobasy «Ashyq NQA» portalynda jariialandy.
Qujatqa sáikes, memlekettik qoldaý alýshylardyń tizimin keńeitý arqyly aýyldyq jerlerge suranysqa ie mamandardy tartý kózdelip otyr.
Túsindirme jazbada bul ózgerister tsifrlyq infraqurylymdy damytýǵa jáne arhiv qyzmetteriniń sapasyn arttyrýǵa qajetti bilikti kadrlardy aýyldyq jerlerge tartýǵa múmkindik beretini aitylǵan.
Sonymen qatar joba memlekettik áleýmettik qoldaý sharalaryn alý merzimderin naqtylaýdy jáne tótenshe jaǵdai kezeńinde memlekettik qyzmet kórsetýdi ýaqytsha toqtata turý tártibin retteýdi kózdeidi.
Qujat 20 tamyzǵa deiin qoǵamdyq talqylaýǵa shyǵaryldy.
