Ystambuldaǵy jer silkinisine baılanysty Qazaqstannyń Syrtqy ister mınıstrligi málimdeme jasady,- dep habarlaıdy Dalanews.kz.
Túrkıa bıliginiń aqparaty boıynsha 23 sáýirde Ystambul mańynda magnıtýdasy 6,2 bal jer silkinisi bolyp, artynan aftershoktar jalǵasyp jatyr.
"Qazir Túrkıa aýmaǵyndaǵy Qazaqstan azamattarynan Ystambul qalasyndaǵy QR Bas konsýldyǵyna ótinishter túsken joq. QR Syrtqy ister mınıstrligi Túrkıa bıligimen jáne Qazaqstannyń Túrkıadaǵy dıplomatıalyq ókildikterimen birlesip ahýaldyń damýyn qadaǵalap otyr. Ystambul qalasyndaǵy QR Bas konsýldyǵynyń konsýldyq esebinde 1137 Qazaqstan azamaty tirkelgen. Otandastarymyzdy sabyrlyq jáne qaýipsizdik sharalaryn saqtaýǵa, sondaı-aq, jergilikti bılik organdarynyń nusqaýlaryn múltiksiz oryndaýǵa shaqyramyz", - dep jazylǵan habarlamada.
Aıta keteıik, Ystambulda 23 sáýirde jergilikti ýaqyt boıynsha 12:49-da joıqyn jer silkinisi tirkeldi. Túrkıanyń tótenshe jaǵdaılar basqarmasynyń (AFAD) málimetinshe, jerasty dúmpýleri Ystambul, Tekırdag, Ialova, Býrsa jáne Balykesır provınsıalarynda sezilgen.
