Jobany QazUÝ Ystambul qalalyq ákimdigimen birlese otyryp, Túrki Keńesi, TÚRKSOI jáne Túrkiiadaǵy Qazaqstan Respýblikasy Elshiliginiń qoldaýymen júzege asyrdy.
Is-sharanyń saltanatty ashylýyna Stambýl qalasy ákiminiń orynbasary Shengúl Arslan, TÚRKSOI Bas hatshysy Dúisen Qaseiinov, QazUÝ rektory Ǵalym Mutanov, Stambýl ýniversitetiniń rektory Mahmud Ak, Túrkiianyń QR Elshiliginiń jáne Stambýl qalasyndaǵy QR Bas Konsýldyǵynyń ókilderi, Eýropadaǵy qazaq diasporasy, BAQ jáne qoǵam ókilderi qatysty.
Ál-Farabidiń etnografiialyq murajai-úiiniń ashylýy 2020 jyly IýNESKO qoldaýymen keń kólemde halyqaralyq deńgeide atalyp ótiletin Ál-Farabidiń 1150 jyldyǵyna arnalyp otyr.
Ál-Farabi mýzei-úii - álemniń týristik ortalyqtarynyń biri - Ystambul shaharynyń dál ortasyndaǵy Túrki Álemi etnografiialyq murajai-kesheninde ornalasqan.
Mýzei-úi birneshe bólimnen turady, munda Aristotelden keiin adamzattyń Ekinshi ustazy atanǵan uly túrki oishyly Ábý Nasyr Ál-Farabidiń ómirinen alynǵan derekter men qundy tarihi málimetter berilgen. Sonymen qatar, músindik kompozitsiialar, tarihi jádigerler, ǵalymnyń eńbekteri jáne adamzat iliminiń birneshe salasyna orasan zor úles qosqan oishyl týraly materialdar kórinis tapqan.
Ál-Farabidiń murasy: matematika, filologiia, himiia, biologiia, astronomiia, filosofiia, meditsina, logika, áleýmettaný, saiasattaný, quqyqtaný, ádep syndy ǵylymnyń barlyq derlik salalaryn qamtidy.
Onyń ǵylymdy júielep jikteýi álemdik ǵylymi oidyń odan ary damýyna óz áserin tigizdi. Ál-Farabidiń shyǵarmashylyq qyzmeti ortaǵasyrlyq arab-musylman mádenietiniń renessansyna sáikes kelip, onyń eńbekteri Batys pen Shyǵysty bailanystyratyn rýhani kópirge ainaldy.
Qazirgi ýaqytta órkenietter qaqtyǵysy shielenisip, álemde destrýktivti baǵyttaǵy uiymdar áreketteri adamzat órkenietiniń damýyna keri áserin tigizýde. Tehnologiianyń qarqyndap damyp, mádeni-rýhani qundylyqtardyń álsirep, jutańdaný qaýpi bar jahandaný zamanynda Uly oishyldyń dúnietanymy, onyń órkeniet jónindegi tujyrymdary, áleýmettik-etikalyq, saiasi, filosofiialyq, kózqarastary qoǵamymyz úshin óte ózekti bolyp otyr.
«Túrkiiada Ál-Farabi úiiniń ashylýy, adamzat órkenietinde baǵa jetpes ról atqarǵan Uly dalanyń Uly tulǵasynyń shyǵarmashylyq murasy arqyly túrki men qazaq mádenieti jaýharlaryn álemge pash etýge arnalǵan iri tarihi jasampaz joba retinde bolashaqqa qyzmet atqaratyn bolady», - dedi saltanatty sharada QazUÝ rektory Ǵalym Mutanov.
Mýzei-úiimen jaqyn tanysý úshin kórermenderge arnaiy qyzyqty ekskýrsiialyq baǵdarlama ázirlenip, al, túrik oqýshylary úshin murajai bazasynda arnaiy oqytý-tanymdyq kýrsy daiyndalǵan. Ál-Farabidiń esimin ielenip otyrǵan Qazaq ulttyq ýniversiteti, onyń shyǵarmashylyq murasyn zerttep jariialaýda, sonymen qatar, álemdik deńgeide Qazaqstan mádenieti men Uly Dalanyń jetistikterin nasihattaýda belsendi jumys atqaryp keledi. Ál-Farabidiń izgilik qoǵamy ideiasy negizinde QazUÝ innovatsiialyq-tehnologiialyq tuǵyrnamamen qatar rýhani-adamgershilik qundylyqtarǵa negizdelgen «Ýniversitet 4.0» jańa býyn ýniversitetiniń modelin jasady.
Bul jobany QazUÝ rektory Ǵalym Mutanov Birikken Ulttar Uiymynyń (BUU) Niý-Iorktegi shtab-páterinde tanystyryp, osy uiymnyń qoldaýymen ony halyqaralyq deńgeide júzege asyrý usynyldy. Qazaq Ulttyq ýniversiteti «Rýhani jańǵyrý» baǵdarlamasy aiasynda BUU Órkenietter aliansymen birlesip «Qaiyrymdy qoǵam azamattaryn qalyptastyrý. Qazirgi zamanǵy ýniversitetterdiń missiiasy» atty halyqaralyq jobany júzege asyrýda.
Ál-Farabi atyndaǵy Qazaq ulttyq ýniversiteti Túrkiia, Iordaniia, Italiia, Qytai, Mysyr, Bolgariia jáne basqa elderdiń jetekshi ýniversitetterinde Ál-Farabidiń ǵylymi-bilim berý ortalyqtaryn ashyp, tabysty jumys atqarýda, onda qazaq halqynyń mádenieti men dástúri nasihattalyp, qazaq tili oqytylýda.
