Qazaqstannyń Ishki ister ministrligi quqyq tártibin jáne kez kelgen zań buzýshylyqtar úshin jazanyń bultartpastyǵyn qamtamasyz etý boiynsha sharalardy kúsheitti, azamattarǵa úndeý joldady, dep habarlaidy Dalanews.kz.
"IIM ózindik qaýipsizdik departamenti jedel basqarý ortalyqtary men patrýldik qyzmettiń jumysyn belsendi qadaǵalaýda. Jedel basqarý ortalyqtary patrýldik politseilerdiń jumysyn táýlik boiy baqylaýda ustaidy. Qyzmetkerler ózdigimen sóndire almaityn "smartjetondarmen" jabdyqtalǵan. Bul qurylǵylar belgilengen talaptardan aýytqýǵa múmkindik bermeidi, barlyq áreketter únemi jazylyp otyrady."Shyńǵys Álekeshev
Sonymen qatar, spikerdiń aitýynsha, jasandy intellektpen biriktirilgen beinebaqylaý kameralarynan alynǵan derekterdi taldaityn júie qoldanylady. Bul kez kelgen buzýshylyqtardy anyqtaýǵa jáne olarǵa jedel áreket etýge múmkindik beredi.
"Politsiianyń jumysy árbir zań buzýshyny onyń mártebesi men laýazymyna qaramastan tiisti jaýapkershilikke tartýǵa baǵyttalǵan. Eshkimge eshqandai artyqshylyq berilmeidi. Patrýldik politseiler zań talaptaryn qatań túrde saqtaitynyn atap ótkim keledi. Olardyń tarapynan kez kelgen zańsyz áreketter úshin sáikesinshe jaýapkershilik kózdelgen. Biz azamattardy zańdy saqtaýǵa, politseilerdiń zańdy talaptaryn oryndaýǵa, laýazymdy tulǵalarǵa para usyný áreketterine barmaýǵa shaqyramyz", - Shyńǵys Alekeshev.
IIM jáne Sybailas jemqorlyqqa qarsy qyzmet arasynda tiisti memorandýmǵa qol qoiylǵanyn eske salamyn. Onyń aiasynda jemqorlyqpen kúres odan ári nyǵaia túspek, dep atap ótti Alekeshev.
"Eger siz qyzmetkerlerdiń ádepsiz is-áreketteriniń kýási bolsańyz, dereý IIM ózindik qaýipsizdik departamentine nemese 1402 senim telefonyna habarlasyńyz. Tek birlese jumys istei otyryp, biz qoǵamda qaýipsizdikti, quqyqtyq tártipti jáne ádilettikti qamtamasyz ete alamyz", – dedi departament bastyǵy – IIM resmi ókili Shyńǵys Alekeshev.
