Kezdesý barysynda birinshi kezekte Akademiia bastyǵy politsiia polkovnigi A.Saitbekov ishki ister ministrin oqý ornynyń tarihymen tanystyryp, búgingi oqý protsesindegi ózgeristerdi baiandady.
Ishki ister ministri akademiiany aralaý kezinde oqý protsesine engizilgen, onyń ishinde kiberqylmys, esirtki jáne ekstremizmge qarsy is-qimyl aiasyndaǵy zamanaýi aqparattyq tehnologiialarǵa qyzyǵýshylyq tanytyp, jeke quram men ǵylymi qyzmetkerlerdiń aldynda sóilegen sózinde oqý ornynyń jańa formattaǵy kadrlardy oqytý men tárbieleýdegi róli men jaýapkershiligin erekshe atap ótti.
«Qylmystyń aldyn alýda onyń jasalý sebepterine taldaý jasaýdyń mańyzy zor. Biz buǵan Ishki ister ministrliginiń júiesin tolyqtai tsifrlandyrý jáne ońtailandyrý arqyly qol jetkizetin bolamyz» – dedi ministr. Sondai-aq ol búgingi kúnniń talaby – biýrokratiiadan arylý ekenine de toqtaldy.
Ishki ister organdary úshin bilikti de bilimdi kadrlar daiarlaýda vedomstvolyq oqý oryndarynyń atqaratyn roline toqtalǵan ministr vedomstvolyq oqý oryndary qyzmetkerleriniń eńbegin yntalandyrýdyń mańyzdylyǵyna toqtaldy. Ǵylym men tájiribeni ushtastyrýda tájiribeli oqytýshy mamandardy oqytýshylyqqa tartý qajettigin de aitty.
«Biz búgin jańa memleket qurýǵa jańa mindettermen kiristik. Memleket basshysynyń jańa Qazaqstan qurýdaǵy basty talaby – básekege qabiletti mamandar daiarlaý. Demek, Almaty akademiiasy osy talap úddesinen shyǵady degen senimim mol» – dedi M.Ahmetjanov óz sózinde.
