كەزدەسۋ بارىسىندا بٸرٸنشٸ كەزەكتە اكادەمييا باستىعى پوليتسييا پولكوۆنيگٸ ا.سايتبەكوۆ ٸشكٸ ٸستەر مينيسترٸن وقۋ ورنىنىڭ تاريحىمەن تانىستىرىپ, بٷگٸنگٸ وقۋ پروتسەسٸندەگٸ ٶزگەرٸستەردٸ باياندادى.
ٸشكٸ ٸستەر مينيسترٸ اكادەمييانى ارالاۋ كەزٸندە وقۋ پروتسەسٸنە ەنگٸزٸلگەن, ونىڭ ٸشٸندە كيبەرقىلمىس, ەسٸرتكٸ جەنە ەكسترەميزمگە قارسى ٸس-قيمىل اياسىنداعى زاماناۋي اقپاراتتىق تەحنولوگييالارعا قىزىعۋشىلىق تانىتىپ, جەكە قۇرام مەن عىلىمي قىزمەتكەرلەردٸڭ الدىندا سٶيلەگەن سٶزٸندە وقۋ ورنىنىڭ جاڭا فورماتتاعى كادرلاردى وقىتۋ مەن تەربيەلەۋدەگٸ رٶلٸ مەن جاۋاپكەرشٸلٸگٸن ەرەكشە اتاپ ٶتتٸ.
«قىلمىستىڭ الدىن الۋدا ونىڭ جاسالۋ سەبەپتەرٸنە تالداۋ جاساۋدىڭ ماڭىزى زور. بٸز بۇعان ٸشكٸ ٸستەر مينيسترلٸگٸنٸڭ جٷيەسٸن تولىقتاي تسيفرلاندىرۋ جەنە وڭتايلاندىرۋ ارقىلى قول جەتكٸزەتٸن بولامىز» – دەدٸ مينيستر. سونداي-اق ول بٷگٸنگٸ كٷننٸڭ تالابى – بيۋروكراتييادان ارىلۋ ەكەنٸنە دە توقتالدى.
ٸشكٸ ٸستەر ورگاندارى ٷشٸن بٸلٸكتٸ دە بٸلٸمدٸ كادرلار دايارلاۋدا ۆەدومستۆولىق وقۋ ورىندارىنىڭ اتقاراتىن رولٸنە توقتالعان مينيستر ۆەدومستۆولىق وقۋ ورىندارى قىزمەتكەرلەرٸنٸڭ ەڭبەگٸن ىنتالاندىرۋدىڭ ماڭىزدىلىعىنا توقتالدى. عىلىم مەن تەجٸريبەنٸ ۇشتاستىرۋدا تەجٸريبەلٸ وقىتۋشى مامانداردى وقىتۋشىلىققا تارتۋ قاجەتتٸگٸن دە ايتتى.
«بٸز بٷگٸن جاڭا مەملەكەت قۇرۋعا جاڭا مٸندەتتەرمەن كٸرٸستٸك. مەملەكەت باسشىسىنىڭ جاڭا قازاقستان قۇرۋداعى باستى تالابى – بەسەكەگە قابٸلەتتٸ ماماندار دايارلاۋ. دەمەك, الماتى اكادەميياسى وسى تالاپ ٷددەسٸنەن شىعادى دەگەن سەنٸمٸم مول» – دەدٸ م.احمەتجانوۆ ٶز سٶزٸندە.
