2024 jyly 1 naýryz ben 5 sáýir aralyǵynda Qazaqstan Respýblikasy Memlekettik kúzet qyzmeti qataryna merzimdi áskeri qyzmetke irikteý bastalady, dep habarlaidy Dalanews.kz.
Osy tusta QR MKQ ókilderi barlyq oblys ortalyǵy men respýblikalyq mańyzy bar qalalarda úmitkerlerdi tańdaý jumysyn júrgizedi.
Úmitkerlerge qandai talap qoiylady?
- jasy 18-27 arasynda,
- boiy 180 sm-den tómen emes jáne 195 sm-den joǵary emes,
- bilimi orta bilimnen tómen emes,
- densaýlyǵy jaqsy.
- Joǵary bilimdi, sporttyq jetistikteri men razriady bar shaqyrylýshylarǵa basymdyq beriledi.
QR MKQ qataryna ótken shaqyrylýshylar merzimdi qyzmetin Astana jáne Almaty qalalaryndaǵy 0112 jáne 0111 áskeri bólimderinde atqarady.
QR Memlekettik kúzet qyzmeti qatarynda merzimdi qyzmet sarbazdary Qazaqstan Respýblikasy Prezidentiniń jáne basqa da kúzetiletin adamdardyń qaýipsizdigin qorǵaý, rásimdik jáne protokoldyq is-sharalarǵa qatysý, QR Memlekettik Týy men QR Memlekettik Eltańbasy etalondaryn kúzetý sekildi airyqsha mindetterdi atqarady.
QR MKQ áskeri bólimderinde merzimdi qyzmet atqarý barysynda jas sarbazdar tájiribeli nusqaýshylyq quramnyń jetekshiligimen áskeri iske úirenedi, jaýyngerlik jáne arnaiy daiarlyq sabaqtarynda áskeri mamandyqtardy meńgeredi.
"QR MKQ merzimdi qyzmet sarbazdarynyń ári qarai kadrlyq turǵydan ósýge múmkindigi bar. Merzimdi qyzmet aiaqtalǵan soń olar óz qalaýy boiynsha kelisimshart boiynsha áskeri qyzmetti jalǵastyra alady, odan ári arnaýly memlekettik organnyń qyzmetkeri jáne ofitseri bolyp, kúzetiletin adamdar men obektilerdiń qaýipsizdigin qamtamasyz etý boiynsha mindetterdi atqara alady», - dep habarlaidy QR MKQ baspasóz qyzmeti.
QR MKQ merzimdi qyzmet sarbazdary úshin Qazaqstan Respýblikasynda merzimdi áskeri qyzmet atqarǵan azamattardy áleýmettik qoldaý boiynsha belgilengen barlyq jeńildikter qoldanylady.
