Antikor burynǵy mádeniet jáne sport vitse-ministri Erlan Qojaǵapanov ne úshin ustalǵanyn málimdedi, - dep habarlaidy Dalanews.kz.
Eks-sheneýnik jemqorlyq deregi boiynsha aiyptalyp otyr.
"1 naýryzda Sybailas jemqorlyqqa qarsy qyzmet jasyryn is-sharalar nátijeleri boiynsha mádeniet jáne sport eks-vitse-ministri Qojaǵapanovty aýyr jemqorlyq qylmys jasady degen kúdik boiynsha ustady.
Kommertsiialyq uiymnyń múddesi úshin áreket ete otyryp, ol 2018 jyly Petropavl qalasynda Qazaqstan Respýblikasy men Resei Federatsiiasynyń 15-shi óneraralyq yntymaqtastyq forýmynyń kórmesin uiymdastyrý boiynsha shart jasaýdy qoldanǵan. Bul rette forýmdy ótkizý úshin smeta eki esege ósti.
Bul biýdjet qarajaty negizsiz jumsalýyna ákep soqty. Qylmystyq jolmen alynǵan aqshaǵa satyp alynǵan múlik anyqtaldy jáne oǵan tyiym salynǵan", - dedi Antikor ókili.
Buǵan deiin Sybailas jemqorlyqqa qarsy qyzmet sotqa deiingi tergep-tekserý sheńberinde burynǵy mádeniet jáne sport vitse-ministri aýyr jemqorlyq qylmys jasady degen kúdikpen ustalǵanyn rastady.
Qazir kúdikti Almaty qalasy PD ýaqytsha ustaý izoliatoryna qamaýda otyr.
Tergeý jalǵasyp jatyr.
Aita keteiik, Erlan Qojaǵapanov Astana ákiminiń orynbasary, QR Sport jáne dene shynyqtyrý isteri agenttiginiń tóraǵasy, QR Fýtbol federatsiiasynyń prezidenti boldy.
Sonymen qatar, QR premer-ministri keńesshisiniń mindetin atqarýshy, keńesshisi, QR mádeniet jáne sport vitse-ministri, Almaty ákiminiń birinshi orynbasary boldy.
