انتيكور بۇرىنعى مادەنيەت جانە سپورت ۆيسە-مينيسترى ەرلان قوجاعاپانوۆ نە ءۇشىن ۇستالعانىن مالىمدەدى، - دەپ حابارلايدى Dalanews.kz.
ەكس-شەنەۋنىك جەمقورلىق دەرەگى بويىنشا ايىپتالىپ وتىر.
"1 ناۋرىزدا سىبايلاس جەمقورلىققا قارسى قىزمەت جاسىرىن ءىس-شارالار ناتيجەلەرى بويىنشا مادەنيەت جانە سپورت ەكس-ۆيسە-مينيسترى قوجاعاپانوۆتى اۋىر جەمقورلىق قىلمىس جاسادى دەگەن كۇدىك بويىنشا ۇستادى.
كوممەرسيالىق ۇيىمنىڭ مۇددەسى ءۇشىن ارەكەت ەتە وتىرىپ، ول 2018 جىلى پەتروپاۆل قالاسىندا قازاقستان رەسپۋبليكاسى مەن رەسەي فەدەراسياسىنىڭ 15ء-شى ونەرارالىق ىنتىماقتاستىق فورۋمىنىڭ كورمەسىن ۇيىمداستىرۋ بويىنشا شارت جاساۋدى قولدانعان. بۇل رەتتە فورۋمدى وتكىزۋ ءۇشىن سمەتا ەكى ەسەگە ءوستى.
بۇل بيۋدجەت قاراجاتى نەگىزسىز جۇمسالۋىنا اكەپ سوقتى. قىلمىستىق جولمەن الىنعان اقشاعا ساتىپ الىنعان مۇلىك انىقتالدى جانە وعان تىيىم سالىنعان"، - دەدى انتيكور وكىلى.
بۇعان دەيىن سىبايلاس جەمقورلىققا قارسى قىزمەت سوتقا دەيىنگى تەرگەپ-تەكسەرۋ شەڭبەرىندە بۇرىنعى مادەنيەت جانە سپورت ۆيسە-مينيسترى اۋىر جەمقورلىق قىلمىس جاسادى دەگەن كۇدىكپەن ۇستالعانىن راستادى.
ءقازىر كۇدىكتى الماتى قالاسى پد ۋاقىتشا ۇستاۋ يزولياتورىنا قاماۋدا وتىر.
تەرگەۋ جالعاسىپ جاتىر.
ايتا كەتەيىك، ەرلان قوجاعاپانوۆ استانا اكىمىنىڭ ورىنباسارى، ق ر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى، ق ر فۋتبول فەدەراسياسىنىڭ پرەزيدەنتى بولدى.
سونىمەن قاتار، ق ر پرەمەر-مينيسترى كەڭەسشىسىنىڭ مىندەتىن اتقارۋشى، كەڭەسشىسى، ق ر مادەنيەت جانە سپورت ۆيسە-مينيسترى، الماتى اكىمىنىڭ ءبىرىنشى ورىنباسارى بولدى.
