Shevron kompaniiasy qoldaý kórsetken Impact Hub Pilot Almaty (IHPA) sharasynyń shymyldyǵy SmArt.Point ortalyǵynda túrildi. Sharaǵa azamattyq qoǵam men jastar isin jetik biletin mamandar shaqyrtý alyp, bul taraptaǵy oi-pikirlerin ortaǵa saldy.
Impact Hub Network, Theodor Heuss Kolleg, Social Impact Award siiaqty jahandyq aýqymdaǵy jobalar men baǵdarlamalardy júzege asyrýmen ainalysatyn sarapshylar alystaǵy Germaniia men Avstriiadan, irgedegi Resei men Ázirbaijannan, Grýziia men Ýkrainadan at shaldyryp keldi.
– Osydan bir jyl buryn Ortalyq Aziia boiynsha Eýraziia qorynyń ókilderi áleýmettik kásipkerlikti damytý baǵytynda álemdik Impact Hub júiesine kirgen edi. Bul bastamany óz kezeginde "Shevron" kompaniiasy qoldaǵan bolatyn, – deidi bul rette IHPA negizin qalaýshysy Indira Shah. – Impact Hub Network degenimiz ne? Bul kásipkerlerge arnalǵan, áleýmettik jáne kreativti mindetterdi sheshýge baǵyttalǵan álemdegi eń iri júie. Onyń 100-den asa haby bar, 16 myńǵa jýyq uiym múshe bul jelige. Álemniń barlyǵy 50-den asa memleketin qamtyp jatyr.
Al Qazaqstandaǵy joba jetekshileri osynaý júiege ený úshin asa kúrdeli irikteýden ótken eken.
Osy irikteý aiasynda Qazaqstandaǵy áleýmettik kásipkerler jobasyn oidaǵydai qorǵap, elimizde kásipkerliktiń atalǵan túrin damytýdyń keshendi baǵdarlamasyn ázirlegen. IHPA jergilikti kásipkerler úshin álemdik júiege jol ashty.
Endigi jerde Impact Hub Pilot Almaty músheleri álemdegi ózge de habtardyń ókilderimen bailanys ornatyp, Impact Hub-tyń barsha múmkindigin paidalana alady.
Al hab degenimiz ne? Bul – barlyq kásipkerler ózara keńesip, oi-pikir almasyp, áriptestik ornatyp, birikken jobalar jasaityn alań.
"Shevron kompaniiasynyń qoldaýynyń arqasynda múmkin bolǵan bul bastamanyń bolashaǵy zor"
– deidi sarapshylar. IHPA uiymǵa múshe barlyq qatysýshylardyń múddesin eskeredi. Áleýmettik jaýapkershilikti árdaiym nazarynda ustaityn jeke bizneske qoldaý kórsetedi.
Qazirgi tańda IHPA ujymy áleýmettik jáne kreativti mindetterdi naqty tizimge jinaqtaityn birqatar mańyzdy jobalardy júzege asyrýda. Sonymen qatar Azamat 3.0 halyqaralyq bilim berý baǵdarlamasyn da qatar qolǵa alyp jatyr.
- Bizdiń Shevron kompaniiasyna aitar alǵysymyz zor. Munyń barlyǵy osy kompaniianyń qoldaýynyń nátijesinde múmkin boldy.
Bizge sengeni úshin alǵysymyzdy aitamyz. Endigi jerde biz áleýmettik jáne kreativti baǵyttaǵy kásipkerlerge qol ushyn soza alatyn múmkindik aldyq. Bul bastamamyzdy qoǵam da qoldap otyr. Maqsatymyz da, muratymyz da aiqyn. Óz jolymyz, óz kontseptsiiamyz bar. Osy arqyly elimizdegi áleýmettik kásipkerliktiń kókjiegin keńitkimiz keledi", – deidi IHPA negizin qalaýshylary Zúlfiia Ábdýhalyqova men Zarina Biimbaeva.
