شيەۆرون كومپانياسى قولداۋ كورسەتكەن Impact Hub Pilot Almaty (IHPA) شاراسىنىڭ شىمىلدىعى SmArt.Point ورتالىعىندا ءتۇرىلدى. شاراعا ازاماتتىق قوعام مەن جاستار ءىسىن جەتىك بىلەتىن ماماندار شاقىرتۋ الىپ، بۇل تاراپتاعى وي-پىكىرلەرىن ورتاعا سالدى.
Impact Hub Network، Theodor Heuss Kolleg، Social Impact Award سياقتى جاھاندىق اۋقىمداعى جوبالار مەن باعدارلامالاردى جۇزەگە اسىرۋمەن اينالىساتىن ساراپشىلار الىستاعى گەرمانيا مەن اۆستريادان، ىرگەدەگى رەسەي مەن ءازىربايجاننان، گرۋزيا مەن ۋكراينادان ات شالدىرىپ كەلدى.
– وسىدان ءبىر جىل بۇرىن ورتالىق ازيا بويىنشا ەۋرازيا قورىنىڭ وكىلدەرى الەۋمەتتىك كاسىپكەرلىكتى دامىتۋ باعىتىندا الەمدىك Impact Hub جۇيەسىنە كىرگەن ەدى. بۇل باستامانى ءوز كەزەگىندە "شيەۆرون" كومپانياسى قولداعان بولاتىن، – دەيدى بۇل رەتتە IHPA نەگىزىن قالاۋشىسى ينديرا شاح. – Impact Hub Network دەگەنىمىز نە؟ بۇل كاسىپكەرلەرگە ارنالعان، الەۋمەتتىك جانە كرەاتيۆتى مىندەتتەردى شەشۋگە باعىتتالعان الەمدەگى ەڭ ءىرى جۇيە. ونىڭ 100-دەن اسا حابى بار، 16 مىڭعا جۋىق ۇيىم مۇشە بۇل جەلىگە. الەمنىڭ بارلىعى 50-دەن اسا مەملەكەتىن قامتىپ جاتىر.
ال قازاقستانداعى جوبا جەتەكشىلەرى وسىناۋ جۇيەگە ەنۋ ءۇشىن اسا كۇردەلى ىرىكتەۋدەن وتكەن ەكەن.
وسى ىرىكتەۋ اياسىندا قازاقستانداعى الەۋمەتتىك كاسىپكەرلەر جوباسىن ويداعىداي قورعاپ، ەلىمىزدە كاسىپكەرلىكتىڭ اتالعان ءتۇرىن دامىتۋدىڭ كەشەندى باعدارلاماسىن ازىرلەگەن. IHPA جەرگىلىكتى كاسىپكەرلەر ءۇشىن الەمدىك جۇيەگە جول اشتى.
ەندىگى جەردە Impact Hub Pilot Almaty مۇشەلەرى الەمدەگى وزگە دە حابتاردىڭ وكىلدەرىمەن بايلانىس ورناتىپ، Impact Hub-تىڭ بارشا مۇمكىندىگىن پايدالانا الادى.
ال حاب دەگەنىمىز نە؟ بۇل – بارلىق كاسىپكەرلەر ءوزارا كەڭەسىپ، وي-پىكىر الماسىپ، ارىپتەستىك ورناتىپ، بىرىككەن جوبالار جاسايتىن الاڭ.
"شيەۆرون كومپانياسىنىڭ قولداۋىنىڭ ارقاسىندا مۇمكىن بولعان بۇل باستامانىڭ بولاشاعى زور"
– دەيدى ساراپشىلار. IHPA ۇيىمعا مۇشە بارلىق قاتىسۋشىلاردىڭ مۇددەسىن ەسكەرەدى. الەۋمەتتىك جاۋاپكەرشىلىكتى ءاردايىم نازارىندا ۇستايتىن جەكە بيزنەسكە قولداۋ كورسەتەدى.
قازىرگى تاڭدا IHPA ۇجىمى الەۋمەتتىك جانە كرەاتيۆتى مىندەتتەردى ناقتى تىزىمگە جيناقتايتىن ءبىرقاتار ماڭىزدى جوبالاردى جۇزەگە اسىرۋدا. سونىمەن قاتار Azamat 3.0 حالىقارالىق ءبىلىم بەرۋ باعدارلاماسىن دا قاتار قولعا الىپ جاتىر.
- ءبىزدىڭ شيەۆرون كومپانياسىنا ايتار العىسىمىز زور. مۇنىڭ بارلىعى وسى كومپانيانىڭ قولداۋىنىڭ ناتيجەسىندە مۇمكىن بولدى.
بىزگە سەنگەنى ءۇشىن العىسىمىزدى ايتامىز. ەندىگى جەردە ءبىز الەۋمەتتىك جانە كرەاتيۆتى باعىتتاعى كاسىپكەرلەرگە قول ۇشىن سوزا الاتىن مۇمكىندىك الدىق. بۇل باستامامىزدى قوعام دا قولداپ وتىر. ماقساتىمىز دا، مۇراتىمىز دا ايقىن. ءوز جولىمىز، ءوز كونسەپسيامىز بار. وسى ارقىلى ەلىمىزدەگى الەۋمەتتىك كاسىپكەرلىكتىڭ كوكجيەگىن كەڭىتكىمىز كەلەدى"، – دەيدى IHPA نەگىزىن قالاۋشىلارى ءزۇلفيا ءابدۋحالىقوۆا مەن زارينا بيىمبايەۆا.
