Álemdegi eń bai kásipkerlerdiń biri Ilon Mask bailyǵyn 10 trln dollrǵa jetkizýdi maqsat etip otyr. Bul týraly ol áleýmettik jelidegi jazbasynda málimdedi, dep habarlaidy dalanews.kz.
Sońǵy derekterge súiensek, Masktyń jeke kapitaly 800 mlrd dollardan asyp ketken. Bul – AQSh-tyń jalpy ishki óniminiń shamamen 2,7 paiyzyna teń kórsetkish. Mundai deńgei ony tek búgingi zamannyń emes, jalpy ekonomika tarihyndaǵy eń yqpaldy tulǵalardyń birine ainaldyryp otyr.
Milliarderdiń aitýynsha, endigi maqsaty - buryn-sońdy bolmaǵan mejege jetý.
"10 trln dollar nemese eshteńe", – dep jazdy ol.
