Ile aýdanynyń turǵyndary Almaty oblysynyń ákimi Marat Sultanǵazievpen ótken eseptik kezdesýde óńirdiń ózekti máselelerin kóterdi. Is shara 17 qazanda Ótegen batyr aýylyndaǵy Mádeniet úiinde ótti, dep habarlaidy Dalanews.kz.
Almaty oblysy turaqty ekonomikalyq ósim kórsetip, elimizdegi kóshbasshy aimaqtardyń qataryna endi. Sońǵy úsh jylda óńirdiń jalpy ishki ónimi eki esege jýyq ósip, 3,4 trln teńgeden 6 trln teńgege jetti. Nátijesinde oblys respýblika boiynsha úzdik bestikke kirip otyr.
«Biz elimiz boiynsha jalpy ishki ónimge qosqan úles jaǵynan 10-orynnan 5-orynǵa kóterildik. Óńir ekonomikasy 10 paiyzdan astam ósim kórsetip otyr. Qurylys salasynda rekordtyq kórsetkishke qol jetkizildi. 900 myń sharshy metrden astam turǵyn úi paidalanýǵa berildi. Investitsiialar kólemi 16 paiyzǵa artsa, ónerkásip óndirisi shamamen 1,9 trln teńgege jetti. Bul – Memleket basshysynyń óńirlerdi damytý jónindegi strategiiasynyń naqty nátijesin aiqyndaityn kórsetkish», - dep atap ótti Almaty oblysynyń ákimi Marat Sultanǵaziev.
Kezdesýge aýdannyń túrli salasynda eńbek etetin azamattar - kásipkerler, fermerler, pedagogtar, depýtattar, mádeniet jáne kitaphana qyzmetkerleri, sondai-aq belsendi turǵyndar qatysty. Ákim men turǵyndar arasyndaǵy dialog mazmundy ári konstrýktivti ótti.
Kezdesý barysynda 40-tan astam suraq qoiyldy. Onyń ishinde:
•20%–y joldar men kóshe jaryǵyna qatysty;
•18%–y bilim salasy, úsh aýysymdy mektepter men oqý kabinetteriniń jetispeýshiligi týraly;
•15%-y turǵyn úi-kommýnaldyq sharýashylyǵy;
•10%-y densaýlyq saqtaý jáne sanitarlyq qaýipsizdik;
•qalǵan 37%-y abattandyrý, qoǵamdyq kólik jáne ekologiia máselelerin qamtydy.
Jergilikti halyq naqty usynystaryn da jetkizdi. Atap aitqanda, «Sokol» saiajai alabynda mektep salý, Ótegen batyr aýylynda mýzykalyq mektep ashý, Boraldai kentinde jańa Mádeniet úiin turǵyzý jáne birqatar aýyldyq okrýgterde dárigerlik ambýlatoriia ashý usynyldy.
Sondai-aq, Qaraoi aýyldyq okrýginiń turǵyndary sibir jarasy oshaǵy anyqtalǵan jaǵdai boiynsha sanitarlyq-epidemiologiialyq baqylaý sharalary jaiynda túsindirý jumystaryn surady.
Marat Sultanǵaziev árbir kóterilgen máselege jeke toqtalyp, tolyqqandy jaýap berdi.
«Kezdesý qorytyndysy boiynsha naqty merzimi men jaýapty tulǵalary kórsetilgen is-sharalar jospary ázirlenedi. Turǵyndardyń barlyq ótinishteri aýdan men oblys ákimdikteriniń basym baǵytyna engiziledi», - dedi oblys ákimi.
Sondai-aq ol mundai kezdesýlerdiń barlyq aýdandarda ótip jatqanyn atap ótti.
«Mundai kezdesýler halyqtyń ótinish-tilekterine jedel jaýap berýge, olardyń pikirin tikelei estýge jáne óńirdi damytý josparlaryn naqtylaýǵa múmkindik beredi», - dedi Marat Sultanǵaziev.
Kezdesýden keiin ótken jeke qabyldaýda 12 turǵynnyń ótinishi tyńdaldy. Barlyǵy 24 áleýmettik, infraqurylymdyq jáne kommýnaldyq sipattaǵy másele qaraldy.
