Ortalyq iske qosylǵan ýaqyttan beri 9 millionnan astam ótinish qabyldady. Qalanyń myńnan astam uiymymen bailanys jolǵa qoiylǵan.
– IKOMEK109 biryńǵai bailanys ortalyǵy – elordada jaily jáne qaýipsiz ómirdi qamtamasyz etý úshin jumys isteitin qyzmet túri, – dep atap ótti iKOMEK qalalyq ortalyǵynyń basshysy Asqar Taksimov.
iKOMEK109 – 2500-den astam másele boiynsha turǵyndarmen biryńǵai bailanys orny. Platformada sýmen jabdyqtaý, jylytý, qoǵamdyq kólik, elektr jáne gazben jabdyqtaý, densaýlyq saqtaý, abattandyrý qatysty ótinish berýge bolady.
Ortalyq jumysynyń negizgi maqsattarynyń biri – turǵyndardyń problemalaryn tez arada, qashyqtan sheshý. Búgingi kúni qala turǵyndarynyń ótinishteriniń 86,6%-y alǵash habarlasqan sátten-aq (konsýltatsiialardan) sheshiledi, qalǵan 13,4%-yn ákimdiktiń jaýapty bólimsheleri (intsidentter) pysyqtaidy.
Sonymen qatar 109 qysqa nómirine tegin qońyraý shalýdan bólek, turǵyndarǵa yńǵaily bailanys arnalary quryldy. Mqnda jedelhat bot, ákimdik saity, iKomek109 mobildi qosymshasy bar.
Árbir ótinish avtomatty túrde tirkeledi jáne jaýapty uiymdarǵa oryndaýǵa beriledi. Ótinishti tolyq pysyqtaǵanǵa deiin iKOMEK qalalyq ortalyǵynyń mamandary oryndalý barysyn baqylaýda ustaidy.
Sonymen qatar, iKOMEK Ahýaldyq ortalyǵyna 16 000 beinebaqylaý kamerasy biriktirilgen, olar arqyly biyl jyl basynan beri 13 000-nan astam quqyq buzýshylyq, onyń ishinde abattandyrý erejelerin buzý jáne ruqsat etilmegen qoqys úiindileri anyqtalǵan.
Qala qaýipsizdigin neǵurlym tiimdi úilestirý men ortalyqtandyrylǵan monitoringti qamtamasyz etý úshin iKomek ortalyǵyna politsiia departamentiniń qyzmetkerleri turaqty negizde issaparǵa jiberildi.
