ورتالىق ىسكە قوسىلعان ۋاقىتتان بەرى 9 ميلليوننان استام ءوتىنىش قابىلدادى. قالانىڭ مىڭنان استام ۇيىمىمەن بايلانىس جولعا قويىلعان.
– IKOMEK109 ءبىرىڭعاي بايلانىس ورتالىعى – ەلوردادا جايلى جانە ءقاۋىپسىز ءومىردى قامتاماسىز ەتۋ ءۇشىن جۇمىس ىستەيتىن قىزمەت ءتۇرى، – دەپ اتاپ ءوتتى iKOMEK قالالىق ورتالىعىنىڭ باسشىسى اسقار تاكسيموۆ.
iKOMEK109 – 2500-دەن استام ماسەلە بويىنشا تۇرعىندارمەن ءبىرىڭعاي بايلانىس ورنى. پلاتفورمادا سۋمەن جابدىقتاۋ، جىلىتۋ، قوعامدىق كولىك، ەلەكتر جانە گازبەن جابدىقتاۋ، دەنساۋلىق ساقتاۋ، اباتتاندىرۋ قاتىستى ءوتىنىش بەرۋگە بولادى.
ورتالىق جۇمىسىنىڭ نەگىزگى ماقساتتارىنىڭ ءبىرى – تۇرعىنداردىڭ پروبلەمالارىن تەز ارادا، قاشىقتان شەشۋ. بۇگىنگى كۇنى قالا تۇرعىندارىنىڭ وتىنىشتەرىنىڭ 86،6%-ى العاش حابارلاسقان ساتتەن-اق (كونسۋلتاسيالاردان) شەشىلەدى، قالعان 13،4%-ىن اكىمدىكتىڭ جاۋاپتى بولىمشەلەرى (ينسيدەنتتەر) پىسىقتايدى.
سونىمەن قاتار 109 قىسقا نومىرىنە تەگىن قوڭىراۋ شالۋدان بولەك، تۇرعىندارعا ىڭعايلى بايلانىس ارنالارى قۇرىلدى. مقندا جەدەلحات بوت، اكىمدىك سايتى، iKomek109 ءموبيلدى قوسىمشاسى بار.
ءاربىر ءوتىنىش اۆتوماتتى تۇردە تىركەلەدى جانە جاۋاپتى ۇيىمدارعا ورىنداۋعا بەرىلەدى. ءوتىنىشتى تولىق پىسىقتاعانعا دەيىن iKOMEK قالالىق ورتالىعىنىڭ ماماندارى ورىندالۋ بارىسىن باقىلاۋدا ۇستايدى.
سونىمەن قاتار، iKOMEK احۋالدىق ورتالىعىنا 16 000 بەينەباقىلاۋ كامەراسى بىرىكتىرىلگەن، ولار ارقىلى بيىل جىل باسىنان بەرى 13 000-نان استام قۇقىق بۇزۋشىلىق، ونىڭ ىشىندە اباتتاندىرۋ ەرەجەلەرىن بۇزۋ جانە رۇقسات ەتىلمەگەن قوقىس ۇيىندىلەرى انىقتالعان.
قالا قاۋىپسىزدىگىن نەعۇرلىم ءتيىمدى ۇيلەستىرۋ مەن ورتالىقتاندىرىلعان مونيتورينگتى قامتاماسىز ەتۋ ءۇشىن iKomek ورتالىعىنا پوليسيا دەپارتامەنتىنىڭ قىزمەتكەرلەرى تۇراقتى نەگىزدە ءىسساپارعا جىبەرىلدى.
