Politsiia vedomstvosynda ishki ister organdary zeinetkerlerine úndeý jasaldy, dep habarlaidy Dalanews.kz.
"Qurmetti zeinetkerler! Búgingi tańda bazalyq zeinetaqy taǵaiyndaýdy qaita bastaý, 1998 jyldan keiin qyzmetke qabyldanǵan jáne 2016 jylǵa deiin qyzmetten bosatylǵan zeinetkerlerdiń zeinetaqysyn indeksteý, zeinetaqy jinaǵyn alý siiaqty mańyzdy áleýmettik máseleler bar ekenin bilemiz. Bul máseleler tolyq zerdeleýdi qajet etedi. Munymen arnaiy jumys toby ainalysýda. Oǵan Ishki ister ministrliginiń ókilderi de kiredi. Bul suraqtar biýdjettiń múmkindikterin eskere otyryp, josparly jáne turaqty negizde sheshilýde", – dedi IIM qarjymen qamtamasyz etý departamentiniń bastyǵy Rústem Tursynbaev.
Máselen, byltyr shilde aiynan bastap barlyq zeinetaqy jinaǵyn turǵyn úi jaǵdaiyn jaqsartý jáne em alý úshin sheship alýǵa múmkindik berildi. Zeinetkerlerdiń negizgi bóligi osy quqyqtaryn paidalanyp úlgerdi. Qazirgi ýaqytta Eńbek jáne halyqty áleýmettik qorǵaý ministrligi 1998 jyldan keiin qyzmetke qabyldanǵan jáne 2016 jylǵa deiin qyzmetten bosatylǵan zeinetkerlerdiń zeinetaqysyn indeksteýdiń quqyqtyq máselesin pysyqtaýda. Bul zań jobasyn biyl 26 aqpanda Respýblikalyq biýdjet komissiiasy maquldady. Sizder kóterip otyrǵan bazalyq zeinetaqy máselesi de sheshilýde.
"Eńbek jáne halyqty áleýmettik qorǵaý ministrligi 2016 jylǵa deiin jáne odan keiin qyzmetten bosatylǵan zeinetkerlerdiń zeinetaqysyndaǵy disbalansty joiý úshin túrli tásilderdi qarastyrýda. Ishki ister ministrligi óz tarapynan barlyq qajetti esepterdi usynyp otyr. IIM óziniń zeinetkerlerine qurmetpen qaraitynyn jáne olardyń áleýmettik jaǵdaiyn jaqsartýǵa belsendi qatysatynyn atap ótý qajet", – dedi IIM qarjymen qamtamasyz etý departamentiniń bastyǵy Rústem Tursynbaev.
