Málimetke sáikes, jyl basynan Qazaqstanǵa Reseiden 1 660 000 adam kirse, 1 640 000 adam shyqqan. Vedomstvo ókili qazirgi tańda sheteldikterdiń elimizdiń aýmaǵyna kirýi baqylaýda ekenin qosyp ótti, dep habarlaidy Dalanews.kz.
Kóshi-qon qyzmeti komiteti basshysynyń mindetin atqarýshy Aslan Atalyqov sheteldikterdiń Qazaqstan aýmaǵyna kelýi zańdyq negizde retteletinin aitty.
"Eýraziialyq ekonomikalyq odaqqa múshe memleketterdiń azamattary úshin Qazaqstan Respýblikasynda bolýdyń ruqsat etilgen merzimi memlekettik shekaradan ótken kúnnen bastap, ortaq ereje boiynsha 90 kúnnen keiin aiaqtalady.", – dedi ol óz sózinde.
Sonymen qatar jyl basynan beri elge 4,3 million sheteldik kelse, onyń 4,2 milliony el aýmaǵynan shyqqan.
"Sonyń ishinde Resei Federatsiiasynyń 1 660 000 azamaty kelse, 1 640 000 elden shyqty. Kóshi-qon protsesterine monitoring júrgizilýde. Ishki ister organdary kelýshilerdiń belgilengen bolý erejeleriniń saqtalýyn baqylaýda.
Olardyń ýaqytsha bolýy esepte. Árqaisysynyń tólqujat derekteri men kirý kúnderi, olar týraly tolyq aqparat bar", – dedi Aslan Atalyqov.
Sheteldikter Qazaqstanda bolý tártibin buzsa, tiisti sharalar qabyldanady. Kóshi-qon qyzmetiniń málimetinshe, mundai azamattar májbúrlep shyǵarý jáne 5 jyl merzimge elimizge qaita kirýge tyiym salý túrindegi qosymsha sanktsiia qarastyrylady.
https://dalanews.kz/del-qazir/81507-qazaqstanda-changan-avtokolikteri-satyla-b
