مالىمەتكە سايكەس، جىل باسىنان قازاقستانعا رەسەيدەن 1 660 000 ادام كىرسە، 1 640 000 ادام شىققان. ۆەدومستۆو وكىلى قازىرگى تاڭدا شەتەلدىكتەردىڭ ەلىمىزدىڭ اۋماعىنا كىرۋى باقىلاۋدا ەكەنىن قوسىپ ءوتتى، دەپ حابارلايدى Dalanews.kz.
كوشى-قون قىزمەتى كوميتەتى باسشىسىنىڭ مىندەتىن اتقارۋشى اسلان اتالىقوۆ شەتەلدىكتەردىڭ قازاقستان اۋماعىنا كەلۋى زاڭدىق نەگىزدە رەتتەلەتىنىن ايتتى.
"ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى ءۇشىن قازاقستان رەسپۋبليكاسىندا بولۋدىڭ رۇقسات ەتىلگەن مەرزىمى مەملەكەتتىك شەكارادان وتكەن كۇننەن باستاپ، ورتاق ەرەجە بويىنشا 90 كۇننەن كەيىن اياقتالادى."، – دەدى ول ءوز سوزىندە.
سونىمەن قاتار جىل باسىنان بەرى ەلگە 4،3 ميلليون شەتەلدىك كەلسە، ونىڭ 4،2 ميلليونى ەل اۋماعىنان شىققان.
"سونىڭ ىشىندە رەسەي فەدەراسياسىنىڭ 1 660 000 ازاماتى كەلسە، 1 640 000 ەلدەن شىقتى. كوشى-قون پروسەستەرىنە مونيتورينگ جۇرگىزىلۋدە. ىشكى ىستەر ورگاندارى كەلۋشىلەردىڭ بەلگىلەنگەن بولۋ ەرەجەلەرىنىڭ ساقتالۋىن باقىلاۋدا.
ولاردىڭ ۋاقىتشا بولۋى ەسەپتە. ءارقايسىسىنىڭ ءتولقۇجات دەرەكتەرى مەن كىرۋ كۇندەرى، ولار تۋرالى تولىق اقپارات بار"، – دەدى اسلان اتالىقوۆ.
شەتەلدىكتەر قازاقستاندا بولۋ ءتارتىبىن بۇزسا، ءتيىستى شارالار قابىلدانادى. كوشى-قون قىزمەتىنىڭ مالىمەتىنشە، مۇنداي ازاماتتار ماجبۇرلەپ شىعارۋ جانە 5 جىل مەرزىمگە ەلىمىزگە قايتا كىرۋگە تىيىم سالۋ تۇرىندەگى قوسىمشا سانكسيا قاراستىرىلادى.
https://dalanews.kz/del-qazir/81507-qazaqstanda-changan-avtokolikteri-satyla-b
