IIM joǵalǵan adamdardyń ornalasqan jerin anyqtaý jáne izdeýde júrgen adamdardy ustaý boiynsha jedel-profilaktikalyq is-shara ótkizdi, dep habarlaidy Dalanews.kz.
Eki kún ishinde politsiia izdeýde júrgen 280 qylmyskerdi ustady, onyń ishinde:
- kisi óltirgeni úshin – 9;
- densaýlyqqa aýyr ziian keltirgeni úshin – 4;
- qaraqshylyq shabýyldar úshin – 5;
- tonaý úshin – 7;
- esirtki qylmysy úshin – 19.
Polisia.kz málimetinshe, respýblikadan tys jerlerde 33 qylmysker quryqtalyp, al basqa memleketterdiń suraýymen 145 adam qamaýǵa alynǵan.
Armeniianyń Noemberian aýdanynyń aýmaǵynda 36 jastaǵy Qazaqstan azamaty ustaldy. Ol qyrkúiektiń aiaǵynda Petropavlda qala turǵynyna pyshaq jaraqatyn salyp, ómirine qastandyq jasaǵan.
Pavlodar oblysy politsiiasynyń jedel-izdestirý toby Resei Federatsiiasynyń Orel qalasynda 42 jastaǵy qazaqstandyqty ustady. Qaskói 2017 jyly óńirlik JShS-niń birine dizel otynyn jetkizýge ýáde berip, 50 million teńgeni iemdengen.
Almaty politsiiasy Tashkent oblysynyń MIIB-men izdeýde júrgen 28 jastaǵy Ózbekstan azamatyn ustady. Áiel 2015 jyldyń mamyr aiynda óziniń kámeletke tolmaǵan qyzyn óltirgen.
Qazaqstan IIM Interpolynyń suraýy boiynsha Germaniianyń Niýrnberg qalasynda elimizdiń 42 jastaǵy azamaty ustaldy. Ol naýryzdyń aiaǵynda astyq jetkizýge ýáde berip, Pavlodarda sheteldiktiń 244 myń AQSh dollaryn jymqyrǵan.
Abai oblysynyń PD qyzmetkerleri izdeýde júrgen semeilik turǵyndardy qalanyń ózinde quryqtady. Olar 2021 jyly UQT kómegimen metall zaýytynan quramynda altyny bar materialdy urlap áketken.
Sonymen qatar júrgizilgen jumys barysynda politsiia qyzmetkerleri habar-osharsyz ketken 53 adamnyń ornalasqan jerin anyqtady.
