ءىىم جوعالعان ادامداردىڭ ورنالاسقان جەرىن انىقتاۋ جانە ىزدەۋدە جۇرگەن ادامداردى ۇستاۋ بويىنشا جەدەل-پروفيلاكتيكالىق ءىس-شارا وتكىزدى، دەپ حابارلايدى Dalanews.kz.
ەكى كۇن ىشىندە پوليسيا ىزدەۋدە جۇرگەن 280 قىلمىسكەردى ۇستادى، ونىڭ ىشىندە:
- كىسى ولتىرگەنى ءۇشىن – 9؛
- دەنساۋلىققا اۋىر زيان كەلتىرگەنى ءۇشىن – 4؛
- قاراقشىلىق شابۋىلدار ءۇشىن – 5؛
- توناۋ ءۇشىن – 7؛
- ەسىرتكى قىلمىسى ءۇشىن – 19.
Polisia.kz مالىمەتىنشە، رەسپۋبليكادان تىس جەرلەردە 33 قىلمىسكەر قۇرىقتالىپ، ال باسقا مەملەكەتتەردىڭ سۇراۋىمەن 145 ادام قاماۋعا الىنعان.
ارمەنيانىڭ نوەمبەريان اۋدانىنىڭ اۋماعىندا 36 جاستاعى قازاقستان ازاماتى ۇستالدى. ول قىركۇيەكتىڭ اياعىندا پەتروپاۆلدا قالا تۇرعىنىنا پىشاق جاراقاتىن سالىپ، ومىرىنە قاستاندىق جاساعان.
پاۆلودار وبلىسى پوليسياسىنىڭ جەدەل-ىزدەستىرۋ توبى رەسەي فەدەراسياسىنىڭ ورەل قالاسىندا 42 جاستاعى قازاقستاندىقتى ۇستادى. قاسكوي 2017 جىلى وڭىرلىك ءجشس-نىڭ بىرىنە ديزەل وتىنىن جەتكىزۋگە ۋادە بەرىپ، 50 ميلليون تەڭگەنى يەمدەنگەن.
الماتى پوليسياسى تاشكەنت وبلىسىنىڭ مىىب-مەن ىزدەۋدە جۇرگەن 28 جاستاعى وزبەكستان ازاماتىن ۇستادى. ايەل 2015 جىلدىڭ مامىر ايىندا ءوزىنىڭ كامەلەتكە تولماعان قىزىن ولتىرگەن.
قازاقستان ءىىم ينتەرپولىنىڭ سۇراۋى بويىنشا گەرمانيانىڭ نيۋرنبەرگ قالاسىندا ەلىمىزدىڭ 42 جاستاعى ازاماتى ۇستالدى. ول ناۋرىزدىڭ اياعىندا استىق جەتكىزۋگە ۋادە بەرىپ، پاۆلوداردا شەتەلدىكتىڭ 244 مىڭ اقش دوللارىن جىمقىرعان.
اباي وبلىسىنىڭ پد قىزمەتكەرلەرى ىزدەۋدە جۇرگەن سەمەيلىك تۇرعىنداردى قالانىڭ وزىندە قۇرىقتادى. ولار 2021 جىلى ۇقت كومەگىمەن مەتالل زاۋىتىنان قۇرامىندا التىنى بار ماتەريالدى ۇرلاپ اكەتكەن.
سونىمەن قاتار جۇرگىزىلگەن جۇمىس بارىسىندا پوليسيا قىزمەتكەرلەرى حابار-وشارسىز كەتكەن 53 ادامنىڭ ورنالاسقان جەرىن انىقتادى.
