Ishki ister ministrligi jol júrisine qatysýshylarǵa úndeý jasady, - dep habarlaidy Dalanews.kz.
"Aýa-raiynyń kúrt ózgerýine bailanysty joldar kórinbeidi. Taiǵaq, muzdy jerler apatqa ákep soǵýy múmkin. Sondai-aq aýa-raiynyń buzylýy kólik quralyna da áserin tigizetinin eskerý qajet. Kóliktiń tehnikalyq jaǵdaiyn, tejeý júiesiniń jumysyn qarańyz. Tereze tazalaǵysh shetkalar, sondai-aq suiyqtyqtyń deńgeiin tekserińiz! Qysqy dońǵalaqtardy qoldanyńyz! Ol qaýipsizdikti qamtamasyz etedi jáne dóńgelekterge jolda syrǵanaýǵa qarsy turýǵa múmkindik beredi. Tehnikalyq reglamentke sáikes qysqy kezeńde qysqy shinalarmen jabdyqtalmaǵan kólik quraldaryn paidalanýǵa tyiym salynady! Qashyqtyqty saqtańyz! Ásirese qys mezgilinde alda kele jatqan kólik quralyna deiingi úlken araqashyqty ustanyńyz", - dep jazylǵan habarlamada.
Vedomstvo tejegishti baiaý basýǵa keńes berdi.
"Jol júrisine qatysýshylardyń barlyǵyna muqiiat bolyńyz! Jaiaý júrginshilerge de nazar aýdaryńyz. Esińizde bolsyn, kishigirim qateliktiń arty aýyr zardaptarǵa ákelýi múmkin. Aýa-raiynyń qolaisyzdyǵyn eskere otyryp, jyldamdyqty shamadan tys asyrmańyz! Jyldam júristiń kesirinen kólik basqarý kezinde baqylaýdy joǵaltýyńyz múmkin. Júrer jolyńyzdy aldyn ala josparlańyz! Aýa-raiy boljamyn baqylap, qala mańyndaǵy joldardyń jabylýy týraly habarlamalardy muqiiat qadaǵalańyz. Eger joldar jabyq bolsa, eldi mekenderden tys jerlerge shyǵýdy shekteńiz. Qurmetti jol júrisine qatysýshylar!
Jol erejelerin saqtaý – sizdiń jaýapkershiligińiz. Ózińizdiń jáne ózgeniń ómirine nemquraily qaramańyz. Joldaǵy qaýipsizdik sharalaryn jáne jol júrisi qaǵidalaryn saqtaý ózińizden bastalady. Úide jaqyndaryńyz kútip otyrǵanyn umytpańyz!" – dedi IIM ákimshilik politsiia komitetiniń erekshe tapsyrmalar jónindegi aǵa inspektory Aqtoty Boranova.
