IIM avtokólik tasymaldaý kezindegi alaiaqtyq týraly eskertý jasady, dep habarlaidy dalanews.kz.
Vedomstvo málimetinshe, sońǵy ýaqytta logistikalyq platformalar arqyly avtokólikter men túrli júkterdi tasymaldaý kezinde alaiaqtyq faktileri kezdesip júr.
Qaskóiler "Della" jáne "Fa-Fa.kz" siiaqty servisterdi paidalanady. Kóbinese avtokólikter men júkterdi Almaty qalasy men Almaty oblysynan elimizdiń basqa óńirlerine jetkizý týraly habarlandyrýlar ornalastyrylady. Habarlandyrý jariialanǵannan keiin alaiaqtar tapsyrys berýshilermen jáne júrgizýshilermen WhatsApp messendjeri arqyly bailanysady.
Tapsyrys berýshilerge ózderin tasymaldaýdy uiymdastyrýshy nemese júrgizýshi retinde tanystyrsa, júrgizýshilerge ózderin júk iesi retinde kórsetedi. Eki taraptyń da senimine kirgennen keiin tasymaldaý sharttary jóninde kelisim jasaidy. Almaty qalasynan shyqqannan keiin alaiaqtar urlanǵan avtokólik nemese júkti basqa kólikke aýystyryp tiep, ony óz qalaýlarynsha paidalanady.
Mysaly, 7 maýsymda Almaty qalasynyń turǵyny politsiiaǵa óziniń qymbat avtokóliginiń urlanǵany týraly aryzdanǵan. Eki kún buryn belgisiz tulǵalar aldaý arqyly onyń kóligin iemdenip, 60 million teńge kóleminde materialdyq shyǵyn keltirgen. Ýaqtyly júrgizilgen jedel-izdestirý is-sharalarynyń nátijesinde politsiia qyzmetkerleri urlanǵan avtokólikti taýyp, zańdy iesine qaitardy. Qylmys jasady degen kúdikpen úsh adam ustaldy. Qazirgi ýaqytta sotqa deiingi tergep-tekserý júrgizilýde, oqiǵanyń barlyq mán-jaiy men basqa da yqtimal sybailastary anyqtalyp jatyr.
Osyndai qylmystardyń aldyn alý maqsatynda IIM azamattarǵa qaýipsizdik sharalaryn ustanýdy usynady:
- júrgizýshiniń jeke kýáligin jáne kólik qujattaryn muqiiat tekserý; tasymaldaýshynyń telefon nómirin habarlandyrýda kórsetilgen nómirmen salystyrý;
- júrý baǵyty men jetkizýdiń sońǵy núktesin aldyn ala jeke talqylaý;
- internetten tasymaldaýshy men júrgizýshi týraly pikirlerdi zerdeleý.
Qujattarda sáikessizdikter baiqalsa, kúmán týǵyzatyn basqa da jaǵdailar anyqtalsa, tasymaldaýshynyń qyzmetinen bas tartyp, bul týraly dereý 102 nómirine habarlaý nemese jaqyn jerdegi kriminaldyq politsiia bólimine júginý usynylady. Ýaqtyly qyraǵylyq tanytý jáne politsiiaǵa júginý qylmystyń aldyn alyp, kinálilerdi jaýapkershilikke tartýǵa kómektesedi.
