Gúljan Kólenqyzy, tilshi:
- Qazir biz Jetisý aýdanyndaǵy №112 jalpyǵa bilim beretin mektepte turmyz. Bul - 5 synyptarmen birge bastaýyshtyń kezekshi synyptary dástúrli formatta bilim alyp jatqan jalǵyz mektep. Búginderi munda 5-synyptyń 45 balasyn qamtityn 4 kezekshi synyp ashylǵan. Munda balalar mekteptke kire beriste arnaiy dizenfektsiialaýshy qurylǵydan ótip, dene qyzýyn ólshetedi. Aita ketsek, jalpy qala boiynsha 5-synypta sabaq oqýǵa ata-analardan 600-den asa ótinish kelip túsken. Biraq barlyq bala kezekshi synyptarǵa bara almaidy. Onyń óz talaby bar.
Saltanat Qusaiynova, Jetisý aýdandyq bilim bóliminiń basshysy:
- Jalpy, kezekshi synyptarǵa balalardy qabyldaý aldynda jalpy ata-analar ótinish bildiredi. Sozylmaly aýrýy bar balalardy qabyldaýǵa ruqsat etilmeidi. Kezekshi synyptarda bilim alý qatań sanitarlyq-epidemiologiialyq talaptar boiynsha júzege asyrylady.
Almaty qalasy boiynsha qyrkúiek aiynan bastap Kólsai jáne Sulýsai shaǵyn aýdandarynda ornalasqan №194 jáne №197 mektepterde sabaq shtattyq jaǵdaida bastaldy.
Endi II-toqsannan bastap qalalyq bas sanitarlyq dárigerdiń qaýlysy boiynsha tórt mektepte sabaq qalypty jaǵdaida bastalady. Bala sany 300-ge tolmaǵan mektepterge ruqsat etildi.
Jalpy, qala boiynsha mektepterde 1597 kezekshi synyptar ashylǵan, olarda 20 myńnan astam bala bilim alyp jatyr.
