گۇلجان كولەن قىزى، ءتىلشى:
- ءقازىر ءبىز جەتىسۋ اۋدانىنداعى №112 جالپىعا ءبىلىم بەرەتىن مەكتەپتە تۇرمىز. بۇل - 5 سىنىپتارمەن بىرگە باستاۋىشتىڭ كەزەكشى سىنىپتارى ءداستۇرلى فورماتتا ءبىلىم الىپ جاتقان جالعىز مەكتەپ. بۇگىندەرى مۇندا 5-سىنىپتىڭ 45 بالاسىن قامتيتىن 4 كەزەكشى سىنىپ اشىلعان. مۇندا بالالار مەكتەپتكە كىرە بەرىستە ارنايى ديزەنفەكسيالاۋشى قۇرىلعىدان ءوتىپ، دەنە قىزۋىن ولشەتەدى. ايتا كەتسەك، جالپى قالا بويىنشا 5-سىنىپتا ساباق وقۋعا اتا-انالاردان 600-دەن اسا ءوتىنىش كەلىپ تۇسكەن. ءبىراق بارلىق بالا كەزەكشى سىنىپتارعا بارا المايدى. ونىڭ ءوز تالابى بار.
سالتانات قۇسايىنوۆا، جەتىسۋ اۋداندىق ءبىلىم ءبولىمىنىڭ باسشىسى:
- جالپى، كەزەكشى سىنىپتارعا بالالاردى قابىلداۋ الدىندا جالپى اتا-انالار ءوتىنىش بىلدىرەدى. سوزىلمالى اۋرۋى بار بالالاردى قابىلداۋعا رۇقسات ەتىلمەيدى. كەزەكشى سىنىپتاردا ءبىلىم الۋ قاتاڭ سانيتارلىق-ەپيدەميولوگيالىق تالاپتار بويىنشا جۇزەگە اسىرىلادى.
الماتى قالاسى بويىنشا قىركۇيەك ايىنان باستاپ كولساي جانە سۇلۋساي شاعىن اۋداندارىندا ورنالاسقان №194 جانە №197 مەكتەپتەردە ساباق شتاتتىق جاعدايدا باستالدى.
ەندى ءىى-توقساننان باستاپ قالالىق باس سانيتارلىق دارىگەردىڭ قاۋلىسى بويىنشا ءتورت مەكتەپتە ساباق قالىپتى جاعدايدا باستالادى. بالا سانى 300-گە تولماعان مەكتەپتەرگە رۇقسات ەتىلدى.
جالپى، قالا بويىنشا مەكتەپتەردە 1597 كەزەكشى سىنىپتار اشىلعان، ولاردا 20 مىڭنان استام بالا ءبىلىم الىپ جاتىر.
