Shýhrat Ibragimov quny milliardtaǵan teńgege baǵalanatyn I Dynasty iahtasyn satylymǵa shyǵardy. Kemeniń baǵasy — 240 million eýro nemese shamamen 131 milliard teńge, dep habarlaidy dalanews.kz.
"Vyhod k moriý" telegram arnasynyń málimetinshe, bul iahta 2015 jyly marqum kásipker Álijan Ibragimov úshin arnaiy jasalǵan. Uzyndyǵy 100 metrden asady. Ishinde bassein, kinoteatr, saýna, hammam, sportzal jáne qonaqtarǵa arnalǵan bólmeler bar. Iahtaǵa bir ýaqytta 22 qonaq pen 15 qyzmetker syiady.
Qazir keme Ispaniianyń Malaga qalasynda tur. Sheteldik derekterge súiensek, iahtany kútip ustaýǵa jyl saiyn 15–20 million dollar ketedi.
Álijan Ibragimov 2021 jyly qaitys bolǵannan keiin, otbasynyń negizgi aktivterin basqarý uly Shýhrat Ibragimovqa ótken. Sodan beri otbasy sheteldegi keibir qymbat múlikterin sata bastaǵan.
Máselen, buǵan deiin Ibragimovtar Frantsiiadaǵy záýlim úiin de satylymǵa qoiǵan. Sonymen qatar, BAQ-ta Shýhrat Ibragimovtyń aty Qyrǵyzstandaǵy "Kermet Bankin" satyp alý isimen de bailanystyrylǵan. Keiin bul bank AQSh, Ulybritaniia jáne Eýroodaq sanktsiialaryna ilingeni habarlandy.
