"Qazaqstan Halyq banki" AQ jáne "Qazkommersbank" AQ bankomattyq jelilerdi biriktirý úderisin bastady. 10 shildeden bastap Halyk jáne Qazkom kartalaryn ustaýshylar úshin bankomattan qolma-qol aqsha alý kezindegi qosymsha komısıalardyń alynýy toqtatylady.Endi Halyk jáne Qazkom klıentteri birikken bankomattar jelisinde qos banktiń kez kelgen bankomatynan qolma-qol aqsha alarda eshqandaı aıyrmashylyq kórmeıdi.

2017 jylǵy 1 maýsymdaǵy kórsetkish boıynsha, Halyq bankiniń bankomattar jelisi 2367 qurylǵyny usynyp otyr, sonyń ishindegi 559 bankomattyń cash-in fýnksıasy bar, Qazkommersbanktiń bankomattar jelisi 2292 qurylǵyny qurady. Olardyń 465-indeqolma-qol aqsha qabyldaý fýnksıasy jabdyqtalǵan. Qazirgi tańda Halyq bank 6 mln karta ustaýshylarǵa qyzmet kórsetse, al Qazkommersbankte – 2 mln astam, Qazaqstannyń ekonomıkalyq belsendi azamattarynyń kópshiligi eki banktiń biriktirgen bankomattar jelisiniń artyqshylyqtaryn paıdalana alady. Aıta keteıik, Qazaqstandaǵy árbir ekinshi bankomat Halyk+Qazkom bankomattar jelisi bolyp tabylady.

Qolma-qolsyz tólemder naryǵy belsendi túrde damyp jatqandyǵyna qaramastan, qarajatty bankomat arqyly qolma-qol aqshaǵa aınaldyrý Qazaqstandaǵy eń tanymal banktik operasıalardyńbiri bolyp tabylady. Resmı statısıka boıynsha, tek 2017 jylǵy sáýir aıynda ǵana  qazaqstandyqtar 683,2 mlrd teńgege osy syndy 17,6 mln tranzaksıany júrgizgen.