Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

«Ǵimaratty salǵan soń, ainalasyn abattandyrýdy umytpańyzdar!». Ákim qurylys kompaniialaryna mindetin esine saldy

Dalanews
«Ǵimaratty salǵan soń, ainalasyn abattandyrýdy umytpańyzdar!». Ákim qurylys kompaniialaryna mindetin esine saldy
Túrkistan qalasyndaǵy qurylys alańdaryn aralaǵan oblys ákimi Ómirzaq Shókeev qurylys jumystaryn tolyq aiaqtaǵan soń, ainalany abattandyryp, kógaldandyrýdy mindettedi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Tapsyrma áleýmettik nysan salýmen qatar turǵyn úi qurylysyn júrgizip jatqan kompaniialarǵa da júkteledi. Qalada boi kótergen kópqabatty turǵyn úilerdiń qurylysymen tanysqan oblys basshysy, investorlarmen júzdesti. Qurylysy aiaqtalýǵa taiaǵan 12 qabatty úidiń 100-den astam páteri satylǵan.

– Qurylys jumystaryn kógaldandyrýmen aiaqtaý kerek. Ǵimarat salynyp bitken soń, ainalasyn abattandyryp, aǵash otyrǵyzyp, kórkeitken durys. Sonda ǵana jumys kórinedi. Etken eńbek eleýsiz qalmaidy, – dedi oblys basshysy.

Túrkistan qalasyndaǵy himiia-biologiia baǵytyndaǵy Nazarbaev Ziiatkerlik mektebi qurylysy jańa oqý jyly paidalanýǵa beriledi. Bilim uiasynyń jalpy jer aýdany – 22 300 sharshy metr.

Búgingi tańda nysannyń syrtqy qasbetterin ornatý jumystary, ishki árleý jumystary jáne syrtqy abattandyrý jumystary júrgizilýde. Ómirzaq Estaiuly bilim oshaǵyn zamanýi qural-jabdyqtarmen qamtamasyz etýde sapaǵa basty nazar aýdarýdy júitedi.

Túrkistan qalasynda 25 brigadaǵa arnalǵan oblystyq jedel kómek stantsiiasyn salý qurylysy jyl sońyna deiin aiaqtalady. Meditsinalyq mekemeniń kirpishi qalanyp, syrtqy qorshaý qabyrǵalaryn ornatý jumystary júrgizilýde.

Oblys ákimi Iasaýi kóshesi boiynan jelilik saiabaq qurylysymen tanysty. Jerdi tegisteý jumystary aiaqtalǵan soń, qiylysqan tórt kóshege qorshaýlar ornatylyp, jaryqtandyrylady. Aǵashtar otyrǵyzylyp, sýarý júiesi júrgiziledi.


Madina Sádýaqasova

Oqi otyryńyz