Internetten kúnde adam estimegen, kóz kórmegen dúnıenge kýá bolasyń. Onyń biri shetelde emes elimizde bolyp jatqanyn baıqaǵanda, ne isterińzde bilmeısiń. Búgin Otyrar.kz saıtynda "Shymkent-Tashkent" jolynyń boıynda tikushaq bastap bara jatqan toı kortejin kórip tańqaldyq.

Tikushaqtyń qymbat kóliktermen qatarlasa júrýi qaýipti. Mundaı pılotajdy buryn-sońdy esh jerde bolmaǵany anyq. Shyndyǵynda, bul - sumdyq, shekten shyqqandyq. toıynǵandyqtyń belgisi. Endi baı-manaptar aspanda toı kortejin uıymdastyryp, QTJ-nyń poıyzdary oblys-oblysty aralaýǵa jaldap alsa tańqalýdyń qajeti joq. Osy qarqynmen kete bersek, az jylda NASA-ny murnynan tesip, jetektep alyp, Aıda toı jasaıtyn kúnimiz de alys emes shyǵar?

Toı qazaqty buzyp bitti. Qazaqtyń toıy daraqylyqqa aınaldy. Asta-tók toı jasaýǵa tyıym salatyn kez jetti. Bolmasa, toı korteji bastaıtyn tikushaqtar jerge qulap, talaı adamdy mert qulýy múmkin ǵoı.  Sol kúndi kútýimiz kerek pe?

 

 

https://www.youtube.com/watch?v=y-9M80GWb1s