Gúlendi qaitaryńdar!
– Men AQSh prezidentine qaratyp aitamyn, bizge bul adamdy qaitaryńyzdar. Buǵan deiin meniń sózime qulaq aspadyńyzdar. Túrkiiada oryn alǵan áskeri búlikten soń bul máseleni jaýapsyz qaldyrmaityndaryńyzǵa senemin. Eger de bizdi strategiialyq áriptes sanasańyzdar, ótinishimizdi oryndaýǵa tiissizder, – dep Erdoǵan áriptesi Barak Obamaǵa talap qoidy.
Al Gúlen bolsa, senbi kúni óziniń áskeri búlikke qatysy joq ekenin málimdegen bolatyn. Jalpy Túrkiia biliginiń alysta jatqan Gúlendi buǵan deiin de talai ret aiyptap, AQSh-tan ony elge qaitarýdy talap etken-di.
Ázirshe resmi Ankaranyń sálemine Aq úi qojaiyny jaýap qatqan joq. Oqiǵa oryn alǵannan keiin AQSh prezidenti Barak Obama áskeri búlikti uiymdastyryp, qolǵa túskenderdi zań sheńberinde jazalaý qajettigin aitqan bolatyn.
Degenmen buǵan deiin AQSh-tyń memlekettik hatshysy Djon Kerri Túrkiia biligi Fethýllah Gúlenniń aiybyn dáleldeýi kerek ekenin eskertken edi. Endi qaiter eken?
