Qarjylyq monitoring agenttigi 14 naýryzda Perizat Qairat pen Ǵaini Alashbaevanyń áreketteri saraptalyp, olar alaiaqtyqtyń asa iri kólemde jasalýyna jáne qylmystyq jolmen alynǵan qarajatty zańdastyrýǵa kúdikti dep tanylǵanyn málimdedi, – dep habarlaidy Dalanews.kz.
Perizat Qairat 2021-2024 jyldar aralyǵynda birneshe ret qaiyrymdylyq kómek kórsetý maqsatynda halyqtan aqsha jinaýǵa shaqyrǵan. Onyń aitýynsha, bul qarajattar muqtaj balalarǵa, Palestina jáne sý tasqynynan zardap shekkenderge kómek kórsetý úshin jumsalmaq bolǵan.
"Jalpy urlanǵan qarjy kólemi 3,5 mlrd teńge bolady. Perizat Qairat «Biz Birgemiz Qazaqstan 2030» qoryna túsken qarajatty óz jeke jáne anasy Ǵaini Alashbaevanyń esepshottaryna aýdaryp, keiin olardy zergerlik buiymdarǵa, kiim-keshekke, jihazǵa, saiahattarǵa, jóndeý qyzmetterine, avtokólik jaldaý jáne basqa da shyǵyndarǵa jumsaǵan", - dep jazylǵan habarlamada.
"Qylmystyq tabysty jymqyrý maqsatynda ol 16 seriktes jeke kásipkermen metaldan jasalǵan kiiz úiler, qaiyqtar, etikter jáne basqa da zattardy jetkizý jóninde jalǵan kelisimder jasasqan. Alaida bul kelisimder is júzinde oryndalmaǵan", - dep jazylǵan habarlamada.
QMA aqparaty boiynsha nátijesinde milliard teńgeden asa qarajat qolma-qol aqshaǵa ainaldyrylyp, jeke maqsattarǵa jumsalǵan.
"Osy somanyń 72 mln teńgesi onyń anasy Ǵaini Alashbaevanyń esepshotyna «Soltústik Qazaqstan oblysyndaǵy zardap shekken turǵyndarǵa turmystyq tehnika satyp alý» degen syltaýmen aýdarylyp, keiin ol P.Qairat arqyly qolma-qol aqshaǵa ainaldyryldy.
Aqshanyń bir bóligi somasy 6,9 mln teńge turatyn «Rolex» saǵatyn satyp alýǵa jumsalǵan. Palestinaǵa kómek kórsetý úshin jinalǵan qarajattyń bir bóligin 2024 jyldyń qańtarynda P.Qairat «Rebel flowers» JShS-in satyp alýǵa jumsalǵan. Onyń quny 23 mln teńge bolsa da, ol kelisimshartta kúdik týǵyzbaý úshin 2 mln teńgege tómendetilgen somany kórsetken", - dep jazylǵan habarlamada.
Gúl biznesinen túsken tabysy 69 mln teńge bolǵan. Sonymen qatar, agenttik málimetinshe, urlanǵan qarajatqa 4 avtokólik, 4 páter, 2 avtoturaq orny, úi, jer telimi jáne ǵimarat satyp alynǵan.
"Jalpy quny 158 mln teńge bolatyn zergerlik buiymdar, aiaq kiim jáne sómkeler tárkilendi. Jalpy quny 865 mln teńge bolatyn qylmystyq jolmen alynǵan múlikke tyiym salyndy.
Ǵaini Alashbaevaǵa qatysty úi qamaq túrindegi bultartpaý sharasy qabyldandy", - dep jazylǵan habarlamada.
