Grýziianyń jańa prezidenti Mihail Kavelashvili alǵash ret raqymshylyq jasap, 613 adamdy túrmeden bosatty, dep habarlaidy Dalanews.kz.
Bul týraly Kavelashvilidiń Facebook-tegi (RF aýmaǵynda tyiym salynǵan) resmi paraqshasynda jariialandy.
Prezidenttiń konstitýtsiialyq ókilettigin paidalanýyna negiz retinde onyń meiirimdilik pen memlekettik múddeni basshylyqqa alǵany atap ótilgen.
"Grýziia prezidenti Mihail Kavelashvili Kreshenie merekesine orai 613 adamǵa raqymshylyq berdi", – delingen habarlamada.
Sonymen qatar raqymshylyqqa ilikken azamattardyń otbasylaryna oralyp, qoǵamnyń tolyqqandy múshesine ainalǵany aitylǵan.
Buǵan deiin Kavelashvili Grýziianyń Eýropalyq Odaqtyń tolyqqandy múshesi bolýǵa degen umtylysy esh ózgermeitinin málimdegen bolatyn. Ol eldiń EO-ǵa kirý boiynsha kelissózder bastaýǵa daiyn ekenin erekshe atap ótti.
Sonymen birge prezident Grýziia úshin AQSh-pen qarym-qatynasty nyǵaitý mańyzdy ekenin jetkizdi. Kavelashvili AQSh-tyń jańa ákimshiligi Tbilisimen strategiialyq áriptestikti tolyq kólemde qalpyna keltiredi dep úmittenýde.
