Qazaqstan óńirleriniń ákimdikteri suranysqa ie mamandardy daiarlaý maqsatynda biyl 2392 bilim grantyn bóldi. Bul týraly Ǵylym jáne joǵary bilim ministrligi habarlady, dep habarlaidy dalanews.kz.
Vedomstvo málimetinshe, granttar bakalavriat, magistratýra jáne rezidentýra baǵdarlamalary boiynsha beriledi. Olar óńirlerge qajetti kadrlardy daiarlaýǵa baǵyttalǵan.
Biyl eń kóp grantty Astana qalasynyń ákimdigi bólgen – 303 grant. Odan keiin Shymkent qalasy – 285 grant jáne Shyǵys Qazaqstan oblysy – 270 grantpen kósh bastap tur.
Sondai-aq Batys Qazaqstan oblysy 211 grant, Abai jáne Túrkistan oblystary 200 granttan, Aqmola oblysy 199 grant, Qaraǵandy oblysy 198 grant, Atyraý oblysy 187 grant, al Mańǵystaý oblysy 163 grant bólgen. Qalǵan óńirlerde shamamen 100 granttan qarastyrylǵan.
Ákimdik grantyna qalai qatysýǵa bolady?
Ákimdik granttaryna úmitker talapkerler ózderi tańdaǵan joǵary oqý ornynyń qabyldaý komissiiasyna ótinish berýi qajet.
Ótinishke bilim týraly qujat, negizgi UBT sertifikaty, jeke kýálik kóshirmesi jáne jeńildikter qarastyrylǵan jaǵdaida ony rastaityn qujattar qosa tapsyrylady.
Qujat qabyldaý merzimi men talaptary týraly tolyq aqparatty joǵary oqý oryndarynyń qabyldaý komissiialarynan nemese jergilikti ákimdikterden bilýge bolady.
Grant iegerin arnaiy komissiia anyqtaidy
Ákimdik grantyn berý týraly sheshimdi jergilikti atqarýshy organ janyndaǵy arnaiy komissiia qabyldaidy.
Aita keteiik, joǵary oqý oryndaryna qujat qabyldaý 25 tamyzǵa deiin jalǵasady.
