Aıtylmaǵan sóz jetim!
Sońǵy kezde osy FB-da bir daý órship barady.
Ol men óz basym birazdan beri biletin úsh azamatqa qatysty.
Osy ýaqyt boıyna jaǵdaıdy ýshyqtyrmaıyn dep, aralaspadym. Eń basynda, osydan biraz ýaqyt buryn Serikjan men Muqtar bas jaqqa barysyp qalǵanda, ekeýin tabystyrmaq boldym. Biraq ol oıymnan túk shyqpady.
Endi qarasam, úsheýara túsinbestik tym tereńge boılap bara jatqan sıaqty.
Sondyqtan aıtarym.
Geroıhan, Muhtar jáne Serikjan baýyrlarym (úsheýiń de maǵan qymbatsyńdar, sondyqtan attaryńdy da álipbı boıynsha tizip otyrmyn)!
Ár azamattyń basqa bir azamatpen túsinispeı qalatyn, kerek bolsa, kerisip qalatyn jaǵdaılary bolady. Máselen, "sútten aq, sýdan tazamyn" dep, opozısıada júrgen keıbir tulǵalardyń da maǵan jasaǵan qıanattary barshylyq. Biraq olar qalaı bolsa da, halyqtyń sózin sóılep júr ǵoı dep, men olarǵa keshirim jasap kelemin. Óıtpese, bolmaıdy eken...
Sender áli jassyńdar! Bolashaqtaryń, sonyń ishinde qoǵamdyq ómirde qol jetkizer jeńisteriń de - alda.
"Óser eldiń balasy" týraly maqaldy bilesińder.
Jańylmaıtyn jaq, súrinbeıtin tuıaq joq!
Aqylǵa kelińder, qyzbalyqqa salynbańdar!
Bálkim, aralaryńda bir renishter bar shyǵar, ortaq maqsat jolynda solardy tárk etetin irilik kórsetińder!
Sender birge atqarar eldik, ulttyq sharýalar - shash etekten!
Sol maqsattar jolynda birge bolmasańdar da, bir-birińniń tyrnaqtaryńnyń astynan kir izdemeı, barlyq kúsh-jigerlerińdi, Qudaı bergen talanttaryńdy sol iske baǵyttańdar!
Bir baǵytta qol ustaspaı da júre berýge bolady ǵoı.
Áıtpese, senderdi debatqa salyp qoıyp, ózderi ishten kúlip, qyzyq spektákl kórgisi keletinder de joq emes sıaqty.
Osyǵan kelisseńder, úsheýińniń basyńdy qosyp, bir sháı berip, mámilege kelýlerińe septesýge men daıyn!
Aıtarym osy!
Avtordyń Facebook`tegi paraqshasynan alyndy
