ايتىلماعان سٶز جەتٸم!
سوڭعى كەزدە وسى فب-دا بٸر داۋ ٶرشٸپ بارادى.
ول مەن ٶز باسىم بٸرازدان بەرٸ بٸلەتٸن ٷش ازاماتقا قاتىستى.
وسى ۋاقىت بويىنا جاعدايدى ۋشىقتىرمايىن دەپ, ارالاسپادىم. ەڭ باسىندا, وسىدان بٸراز ۋاقىت بۇرىن سەرٸكجان مەن مۇقتار باس جاققا بارىسىپ قالعاندا, ەكەۋٸن تابىستىرماق بولدىم. بٸراق ول ويىمنان تٷك شىقپادى.
ەندٸ قاراسام, ٷشەۋارا تٷسٸنبەستٸك تىم تەرەڭگە بويلاپ بارا جاتقان سيياقتى.
سوندىقتان ايتارىم.
گەرويحان, مۇحتار جەنە سەرٸكجان باۋىرلارىم (ٷشەۋٸڭ دە ماعان قىمباتسىڭدار, سوندىقتان اتتارىڭدى دا ەلٸپبي بويىنشا تٸزٸپ وتىرمىن)!
ەر ازاماتتىڭ باسقا بٸر ازاماتپەن تٷسٸنٸسپەي قالاتىن, كەرەك بولسا, كەرٸسٸپ قالاتىن جاعدايلارى بولادى. مەسەلەن, "سٷتتەن اق, سۋدان تازامىن" دەپ, وپپوزيتسييادا جٷرگەن كەيبٸر تۇلعالاردىڭ دا ماعان جاساعان قيياناتتارى بارشىلىق. بٸراق ولار قالاي بولسا دا, حالىقتىڭ سٶزٸن سٶيلەپ جٷر عوي دەپ, مەن ولارعا كەشٸرٸم جاساپ كەلەمٸن. ٶيتپەسە, بولمايدى ەكەن...
سەندەر ەلٸ جاسسىڭدار! بولاشاقتارىڭ, سونىڭ ٸشٸندە قوعامدىق ٶمٸردە قول جەتكٸزەر جەڭٸستەرٸڭ دە - الدا.
"ٶسەر ەلدٸڭ بالاسى" تۋرالى ماقالدى بٸلەسٸڭدەر.
جاڭىلمايتىن جاق, سٷرٸنبەيتٸن تۇياق جوق!
اقىلعا كەلٸڭدەر, قىزبالىققا سالىنباڭدار!
بەلكٸم, ارالارىڭدا بٸر رەنٸشتەر بار شىعار, ورتاق ماقسات جولىندا سولاردى تەرك ەتەتٸن ٸرٸلٸك كٶرسەتٸڭدەر!
سەندەر بٸرگە اتقارار ەلدٸك, ۇلتتىق شارۋالار - شاش ەتەكتەن!
سول ماقساتتار جولىندا بٸرگە بولماساڭدار دا, بٸر-بٸرٸڭنٸڭ تىرناقتارىڭنىڭ استىنان كٸر ٸزدەمەي, بارلىق كٷش-جٸگەرلەرٸڭدٸ, قۇداي بەرگەن تالانتتارىڭدى سول ٸسكە باعىتتاڭدار!
بٸر باعىتتا قول ۇستاسپاي دا جٷرە بەرۋگە بولادى عوي.
ەيتپەسە, سەندەردٸ دەباتقا سالىپ قويىپ, ٶزدەرٸ ٸشتەن كٷلٸپ, قىزىق سپەكتاكل كٶرگٸسٸ كەلەتٸندەر دە جوق ەمەس سيياقتى.
وسىعان كەلٸسسەڭدەر, ٷشەۋٸڭنٸڭ باسىڭدى قوسىپ, بٸر شەي بەرٸپ, مەمٸلەگە كەلۋلەرٸڭە سەپتەسۋگە مەن دايىن!
ايتارىم وسى!
اۆتوردىڭ Facebook`تەگٸ پاراقشاسىنان الىندى
