Habar osharsyz joǵalyp ketken burynǵy sýdıa Germanıadan óli tabyldy, - dep habarlaıdy Dalanews.kz.

Syrtqy ister mınıstrliginiń málimetinshe, Germanıa qylmystyq polısıasynyń Qazaqstan Respýblıkasynyń Frankfýrttaǵy Bas konsýldyǵyna bergen aqparatyna sáıkes 16 maýsymda Benshaım qalasynyń mańynda áıeldiń máıiti tabylǵan.

Krımınalıser sot-medısınalyq saraptama júrgizip jatyr. Óz kezeginde polısıanyń aýyzsha aldyn ala bergen aqparatyna sáıkes syrtqy belgileri boıynsha máıit QR azamaty Aıgúl Saılybaeva dep tanylǵan.

"Qazir marqumnyń týystary Germanıada jáne olarǵa barlyq qajet konsýldyq-quqyqtyq kómek kórsetilip jatyr. GFR quqyq qorǵaý organdary tıisti tergeý sharalaryn júrgizip jatyr. Bul is týraly ózge aqparat tergeý múddeleri úshin jarıalanbaıdy", - dep habarlady vedomstvo ókilderi.