Germaniiadaǵy kúrdeli ekonomikalyq jaǵdaiǵa bailanysty Býndestag depýtattary ózderine qarastyrylǵan jalaqy ósiminen bas tartýy múmkin. Bul týraly dpa agenttigi málimdedi, dep habarlaidy dalanews.kz.
Aqparatqa sáikes, eldegi bileýshi koalitsiia quramyndaǵy partiialar depýtattyq tólemderdi biylǵy 1 shildeden bastap arttyrmaý týraly zań jobasyn parlament qaraýyna engizbek. Qujat 11 maýsym kúni ótetin otyrystyń kún tártibine engizilgen.
Mundai sheshimniń basty maqsaty – ekonomikalyq qiyndyqtar jaǵdaiynda halyqpen birge únemdeý sharalaryna daiyn ekenin kórsetý.
Buǵan deiin qoldanystaǵy zańǵa sáikes, Býndestagtaǵy 630 depýtattyń ai saiynǵy tólemi shamamen 500 eýroǵa ósýi tiis bolatyn. Eger ósim kúshine ense, depýtattardyń ailyq tólemi 12 330 eýroǵa jeter edi.
Bileýshi partiialardyń ókilderi qazirgi biýdjet pen ekonomikaǵa túsip otyrǵan qysym jaǵdaiynda qurylymdyq reformalar qajet ekenin aitady. Al mundai reformalar azamattarǵa qosymsha júkteme túsirýi múmkin bolǵandyqtan, depýtattar da únemdeý sharalaryna óz úlesin qosýy tiis dep sanaidy.
Depýtattardyń jalaqysyn kóterýge oppozitsiia da qarsy shyqty. Atap aitqanda, «Jasyldar», «Germaniia úshin balama» jáne Solshyl partiia ókilderi tólemderdi arttyrmaýdy qoldaidy.
YouGov zertteý institýty mamyr aiynda júrgizgen saýalnama nátijesi boiynsha, respondentterdiń 85 paiyzy depýtattardyń jalaqysyn kóterýge qarsy ekenin bildirgen.
Germaniiada depýtattardyń tólemi 2014 jyldan beri qoldanystaǵy zańǵa sáikes eldegi ortasha jalaqy ósimine bailanysty avtomatty túrde qaita eseptelip keledi. Ótken jyly bul mehanizm qazirgi parlamenttiń ókilettik merzimi aiaqtalǵanǵa deiin uzartylǵan bolatyn.
Federativtik Germaniia Respýblikasynyń tarihynda depýtattardyń tólemi tek bir ret – 2021 jyly koronavirýs pandemiiasy kezinde tómendetilgen. Ol kezde el turǵyndarynyń nominaldy tabysy azaiǵan. Al 2020 jyly depýtattar pandemiiaǵa bailanysty jalaqy ósiminen óz erkimen bas tartqan edi.
Sońǵy ret Býndestag depýtattarynyń tólemi 2025 jylǵy 1 shildede shamamen 600 eýroǵa kóbeitilgen bolatyn.
