Qazaqstanda Memleket basshysynyń tapsyrmasyna sáikes geologiialyq aqparatty jedel tsifrlandyrý jáne júieleý jónindegi ulttyq baǵdarlama júzege asyrylyp jatyr, dep habarlaidy Dala News.
Joba el aýmaǵynyń geologiialyq zerttelý deńgeiin arttyrýǵa, investitsiialyq tartymdylyǵyn kúsheitýge jáne derekterdiń ashyqtyǵyn qamtamasyz etýge baǵyttalǵan. Geologiialyq materialdardy skanerleý men tsifrlandyrý keiin jasandy intellekti qoldanatyn zamanaýi taldaý quraldaryn engizýge negiz qalaidy.
Búginde 66 180 ekinshi rettik geologiialyq esep qurylymdaldy. Olardyń alǵashqy tomdary Biryńǵai jer qoinaýyn paidalaný portalynda qoljetimdi. Bul múddeli taraptarǵa geologiialyq qorlarǵa barmai-aq, onlain ári tegin tanysýǵa múmkindik beredi. Ekinshi rettik esepterdi skanerleý jumystary 2000 jyldardyń basynan júrgizilip keledi.
Jalpy alǵanda, 4,7 mln-ǵa jýyq birlik tsifrlyq formatqa kóshirilgen. Bul – bastapqy geologiialyq aqparattyń 97,5%-y.
Atap aitqanda:
– 2023–2024 jyldary 2 728 620 birlik;
– 2025 jyly 1 969 216 birlik tsifrlandyryldy.
Geologiialyq qorlarda saqtalǵan basym bastapqy aqparat kólemi shamamen 5 mln birlikti quraidy. Derekter qaǵaz qujattar, grafikalyq qosymshalar, magnittik taspalar men kartridjder túrinde saqtalǵan.
Arhivtik materialdardy tolyq tsifrlandyrý 2026 jyldyń sońyna deiin aiaqtalady dep josparlanyp otyr. Sonyń nátijesinde geologiialyq derekterdiń 100% elektrondy formatta qoljetimdi bolýy kózdelýde.
