Bapker Abel Sanches Sky Sport basylymyna bergen suhbatynda Gennadıı Golovkınnyń jekpe-jek aldyndaǵy daıyndyǵy, densaýlyǵy jóninde málimdeme jasaǵan, - dep habarlaıdy Vesti.kz.
Dástúrli salmaq ólsheý rásiminen keıin Golovkın jýrnalısermen suhbattasýdan bas tartty. Taıaýda ulybrıtanıalyq BAQ qazaqstandyq boksshynyń densaýlyǵyna kúmán týdyrǵan bolatyn.
"Ol Kellge ózin myqty sezinýge múmkindik berdi, - deıdi Sanches Golovkınnyń suhbattasýdan bas tartqanyna. - Ol jekpe-jekke daıyndalyp jatyr. Bul sportshy áýesqoı boksta 350 jekpe-jek ótkizdi, al kásipqoı boksta jeńilip kórmegen. Ony eshteńe mazalamaıdy. Ol tek Kellge múmkindik berdi.
Biz jekpe-jekti kútip júrmiz. Biz ár túrli stıl men neshe túrli boksshylardy kórdik, sondyqtan eshteńge alańdamaımyz. Gennadıı sharshy alańǵa shyǵýdy asyǵa kútip júr jáne birinshi soqqydan bastap ol óz jumysyna kirisedi.
Kell búgin óziniń eń myqty qalpyn kórsetti. Ol fızıkalyq turǵydan daıyn ekenin kórsetti, alaıda oǵan álemdegi orta salmaqtaǵy eń myqty boksshy qarsy shyǵyp tur. Eger onyń qarsylasy basqa bireý bolsa men Kelldyń múmkindigi 50 de 50 dep baǵalar edim, biraq erteń oǵan óte aýyr bolady.
Ulybrıtanıalyq jankúıerler ózderiniń boksshylaryna óte myqty qoldaý kórsetedi. Bul buryshta turǵan qosalqy adam. Fanattar Brýktyń jaǵynda bolady, alaıda Gennadıı ózin kórsetken ýaqytta jankúıerler ony shyn máninde baǵalaıtyn bolady", - dedi ol.
Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkın (35-0, 32 KO) men jartylaı orta salmaqta IBF nusqasy boıynsha álem chempıony ulybrıtanıalyq Kell Brýk (36-0, 25 KO) kezdesýi 10 qyrkúıekte Londonda 20 myń oryndyq O2 arenasynda ótedi. Qazaqstan jáne Kazsport arnaary tikeleı efırden kórsetedi. Kórsetilim Astana ýaqytymen 23:00-de bastalady.
