باپكەر ابەل سانچەس Sky Sport باسىلىمىنا بەرگەن سۇحباتىندا گەنناديي گولوۆكيننىڭ جەكپە-جەك الدىنداعى دايىندىعى، دەنساۋلىعى جونىندە مالىمدەمە جاساعان، - دەپ حابارلايدى Vesti.kz.
ءداستۇرلى سالماق ولشەۋ راسىمىنەن كەيىن گولوۆكين جۋرناليستەرمەن سۇحباتتاسۋدان باس تارتتى. تاياۋدا ۇلىبريتانيالىق ب ا ق قازاقستاندىق بوكسشىنىڭ دەنساۋلىعىنا كۇمان تۋدىرعان بولاتىن.
"ول كەللگە ءوزىن مىقتى سەزىنۋگە مۇمكىندىك بەردى، - دەيدى سانچەس گولوۆكيننىڭ سۇحباتتاسۋدان باس تارتقانىنا. - ول جەكپە-جەككە دايىندالىپ جاتىر. بۇل سپورتشى اۋەسقوي بوكستا 350 جەكپە-جەك وتكىزدى، ال كاسىپقوي بوكستا جەڭىلىپ كورمەگەن. ونى ەشتەڭە مازالامايدى. ول تەك كەللگە مۇمكىندىك بەردى.
ءبىز جەكپە-جەكتى كۇتىپ ءجۇرمىز. ءبىز ءار ءتۇرلى ستيل مەن نەشە ءتۇرلى بوكسشىلاردى كوردىك، سوندىقتان ەشتەڭگە الاڭدامايمىز. گەنناديي شارشى الاڭعا شىعۋدى اسىعا كۇتىپ ءجۇر جانە ءبىرىنشى سوققىدان باستاپ ول ءوز جۇمىسىنا كىرىسەدى.
كەلل بۇگىن ءوزىنىڭ ەڭ مىقتى قالپىن كورسەتتى. ول فيزيكالىق تۇرعىدان دايىن ەكەنىن كورسەتتى، الايدا وعان الەمدەگى ورتا سالماقتاعى ەڭ مىقتى بوكسشى قارسى شىعىپ تۇر. ەگەر ونىڭ قارسىلاسى باسقا بىرەۋ بولسا مەن كەللدىڭ مۇمكىندىگى 50 دە 50 دەپ باعالار ەدىم، ءبىراق ەرتەڭ وعان وتە اۋىر بولادى.
ۇلىبريتانيالىق جانكۇيەرلەر وزدەرىنىڭ بوكسشىلارىنا وتە مىقتى قولداۋ كورسەتەدى. بۇل بۇرىشتا تۇرعان قوسالقى ادام. فاناتتار برۋكتىڭ جاعىندا بولادى، الايدا گەنناديي ءوزىن كورسەتكەن ۋاقىتتا جانكۇيەرلەر ونى شىن مانىندە باعالايتىن بولادى"، - دەدى ول.
ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين (35-0، 32 كو) مەن جارتىلاي ورتا سالماقتا IBF نۇسقاسى بويىنشا الەم چەمپيونى ۇلىبريتانيالىق كەلل برۋك (36-0، 25 كو) كەزدەسۋى 10 قىركۇيەكتە لوندوندا 20 مىڭ ورىندىق و2 ارەناسىندا وتەدى. قازاقستان جانە Kazsport ارناارى تىكەلەي ەفيردەن كورسەتەدى. كورسەتىلىم استانا ۋاقىتىمەن 23:00-دە باستالادى.
